ଜଣାଣ
ମାନଗୋବିନ୍ଦ ସ୍ବାଇଁ
ମନର ଈଶ୍ୱର ବସିଅଛି ପୁରୀ
ନିଳାଚଳ ପୁରୀ ଧାମ
ଜଗତର ନାଥ ଅନାଦର ନାଥ
ତୁମ ପାଦେ ରଖ ନାମ।
ଭାବ ଲଗାଅଛି ବରଷକୁ ଥରେ
ଆସ ବଡ଼ଦାଣ୍ଡ ପରେ
ଭକତ ମେଳରେ ରଥ ପରେ ଶୋଭା
ତୃପ୍ତି ଏ ଭକ୍ତ ଅନ୍ତରେ।
ଘଂଣ୍ଟ କର ତାଳ ଶଂଖ ଝାଞ୍ଜ ଧ୍ବନି
ମନ୍ତ୍ର ଉଚ୍ଚାରଣ ପାଠ
ଦୁଃଖ ଦୂର କରି ପାପକୁ ନାଶନ
ଖୋଲି ଦିଅ ଭଲବାଟ।
ନୟନେ ଦର୍ଶନ ବାନା ଚାହିଁ ଦେଲେ
ମନ ଲାଗେ ଭାରି ତୃପ୍ତି
ଭଜନ ଜଣାଣ ସଂଗୀତ କୀର୍ତ୍ତନ
ପାଠ କରି ପାଉ ମୁକ୍ତି।
ଗଢିଛ ସଂସାର ପାଳୁଛ ତୁମେ ତ
ମୁଁ ନିମିତ ମାତ୍ର ଜଣ
ଭରସା କରିଛି ଆଶା ବି ବାନ୍ଧିଛି
ବିଶ୍ବେ ଘେନ ମୋ ପ୍ରଣାମ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
