ନୂଆପଡା: ନୂଆପଡା ଜିଲ୍ଲା ବୋଡ଼େନ ବ୍ଲକ କର୍ଲାକୋଟ ସମଲେଶ୍ଵରୀ ହାଇସ୍କୁଲର ଛାତ୍ରୀ ନିବାସରେ ଗତ କାଲି ଏକ କଙ୍କାଳ ଠାବ ହୋଇଛି । ଗ୍ରାମର କିଛି ଛାତ୍ର ଖେଳୁ ଥିବାବେଳେ ସମୟରେ ଉକ୍ତ କଙ୍କାଳକୁ ଦେଖିଥିଲେ । ଏନେଇ ଗ୍ରାମବାସୀ ବୋଡ଼େନ ଥାନାକୁ ଖବର ଦେଇଥିଲେ। 
ଖବର ପାଇ ଖଡ଼ିଆଳ ଏସଡ଼ିପିଓ ସନ୍ତକ ଜେନା ବୋଡ଼େନ ଥାନା ଆଇଆଇସି ସୁଦର୍ଶନ ନାଏକ ପହଁଚି ତଦନ୍ତ କରିଥିଲେ । ତଦନ୍ତ କଲାପରେ ଜଣାପଡିଲା କି ତାହା ଗୋଟିଏ ଜଙ୍ଗଲୀ ଜୀବର କଙ୍କାଳ । କିନ୍ତୁ ଏଠାରେ ପ୍ରଶ୍ନ ହେଉଛି କି ଗୋଟିଏ ଜଙ୍ଗଲୀ ଜୀବ କେମିତି ଛାତ୍ରୀ ନିବାସକୁ ପଶିଆସିଲା ଓ ମରିଗଲା ତାହା କେମିତି ସ୍କୁଲ କର୍ତ୍ତୃପକ୍ଷ ଜାଣିପାରିଲେ ନାହିଁ ! ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
