ମୌସୁମୀ
ପ୍ରଶାନ୍ତ କୁମାର ନାଥ
ରଜସ୍ଵଳା ମାଆ ହୋଇଛି ଧରିତ୍ରୀ
ଶେଷ ଦିବସ ତ ଆଜି
ରଜର ପରବ ହୋଇଅଛି ଶେଷ
ସିନାନ ରହିଛି ବାକି।
ଦକ୍ଷିଣ ପଶ୍ଚିମ ମୋୖସୁମୀ ଛୁଇଁଛି
ଓଡିଶା ମାଟିକୁ ଆସି
ଭିଜାଇ ଦେବ ସେ କାଲି ସ୍ନାନେ ବେଳେ
ଧରିତ୍ରୀ ହୋଇବ ଖୁସି।
ଶୁଷ୍କ ତନୁ ମନ ହେଵ ପଲ୍ଲବିତ
ନୂତନ ଯୌଵନ ପାଇ
ଶୂନ୍ୟ ଗାଗରାରେ ପୂର୍ଣ୍ଣ ହେଇ ମେଘ
ଵୋହିଵ ସଲିଳ ହେଇ।
କୀଟ ତରୁ ଲତା ଜୀଵ ଓ ଜଗତ
ପାଇଵେ ପ୍ରାଣ ନୂତନ
ନିଦାଘରୁ ରକ୍ଷା ହୋଇବ ପୃଥିବୀ
ଶୀତଳ ଭରି ଚନ୍ଦନ।
ଗର୍ଭରେ ଧରିବ ଶୁଷ୍କ ବୀଜ ଶସ୍ୟ
ଫଳାଇବ ସୁନା କ୍ଷେତ
ଚନ୍ଦନ ପରିକା ଲିପି ହେଇଥିବ
ଭିଜା ଭିଜା ମାଟି ସେତ।
ଭିଜା ମାଟି ବାସ୍ନା ଵାସ୍ନାୟୀତକରେ
କୃଷକ ମନକୁ ସିନା
କୃଷି ଆରମ୍ଭଇ ମନପ୍ରାଣ ଦେଇ
ଯୋଗାଇବା ପାଇଁ ଦାନା।।
ପ୍ରଶାନ୍ତ କୁମାର ନାଥ
ଜୁଣଗଡି ,ରାଜନଗର , କେନ୍ଦ୍ରାପଡ଼ା
