ଜୟ ମାଆ ବିରଜା
ଉମାକାନ୍ତ ଦାସ
ମୋ ସଂସ୍କୃତି ସମ୍ରାଟ
ସଂସ୍କୃତି ସମ୍ରାଟ ଆମ ଜଗନ୍ନାଥ
ଜଗିଛନ୍ତି ଶିରୀକ୍ଷେତ୍ର
ଉପଦେଶ ତାଙ୍କ ଓଡିଶା ମାଟିକୁ
ରଖ ନାହିଁ ଜାତି ଗୋତ୍ର ।।
ଶବର ବ୍ରାହ୍ମଣ ଆର୍ଯ୍ୟଙ୍କୁ ନେଇ ସେ
ଗଢ଼ିଛନ୍ତି ପୁରୀ କ୍ଷେତ୍ର,
ସଭିଙ୍କ ଉପରେ ସମ ଭାବ ଦୃଷ୍ଟି
ରଖିଥାଏ ତାଙ୍କ ନେତ୍ର ।।
ସାଲବେଗ ଆଉ ଦାଶିଆ ବାଉରୀ
ହୋଇଥିଲେ ତାଙ୍କ ଭକ୍ତ
ସବୁ ସମୟରେ ତାହାଙ୍କ ପଛରେ
ଥିଲା ସମ୍ରାଟଙ୍କ ହାତ ।।
ବାରମାସେ ସେଠି ତେର ପୁନେଇର
ହେଉଥାଏ କେତେ ଜାତ,
ହିନ୍ଦୁତ୍ବ ସଂସ୍କୃତି ସାରା ଜଗତକୁ
ଦେଖାଏ ସୁଗମ ପଥ ।।
ଆଜି ଉଗ୍ର ଜନ ନମାନି ବଚନ
ଭାବୁଛନ୍ତି ଦାରୁ ଦେବ,
ଭୁଲି ସଂସ୍କୃତିକୁ ଅପସଂସ୍କୃତିରେ
ରଖୁଛନ୍ତି ବହୁ ଭାବ ।।
ସମୟ ଆସିବ ସମ୍ରାଟ ମାତିବ
ସଂସ୍କୃତିକୁ ରକ୍ଷା ଦେବ
ବାରହାତ ଖଣ୍ଡା ବୁଲିବ ଜଗତେ
ଧର୍ମ ସଂସ୍ଥାପନ ହେବ ।।
ଲାଲବାଗ ,ଖାନନଗର
ମଙ୍ଗଳ ପୁର , ଯାଜପୁର
