ନୀଳାଦ୍ରି ବିଜେ 

ଶ୍ରୀମନ୍ଦିର ଫେରେ ଦେଖ

           କଳା ସାଆନ୍ତ

କବାଟ କିଳି ଅଛନ୍ତି

           ଜଗତ ମାତ (1)

ଭାଇ ଭଗିନୀ ଧରି

          ଯାତରା କଲେ

ଅର୍ଦ୍ଧାଙ୍ଗିନୀ ସତେ ତାଙ୍କ

        ପରହୋଇଲେ (2)

ଅଭିମାନୀ ସିନ୍ଧୁ ସୁତା

         ମୁହଁ ଫୁଲାଇ

ଦ୍ୱାର ମୁହେଁ ବସିଛନ୍ତି

         ଜଗାକୁ ଚାହିଁ (3)

ସିଏତ ପ୍ରେମ ନାଗର

         କଳା କହ୍ନାଇ

ଗୋପେ କେତେ ବେଶୀ ଥିଲେ

             ରାଧିକା ପାଇଁ (4)

ହାଟୁଆ ନାଟୁଆ ନଟ

           ନାଗର ସାଇଁ

ନାଚି ଗାଇ କଥା କହି

           ପାରେ ଭୁଲେଇ (5)

ପ୍ରଭୁ ପ୍ରେମେ ପାଗଳିନୀ

          ସେ ରମା ଦେଇ

ଫୁସୁଲା ଫୁସୁଲି ତାଙ୍କୁ

          ଦେବେ ଭଣ୍ଡେଇ (6)

ପତି ପତ୍ନୀ ପ୍ରେମ ପରା

        ଜନ୍ମ ଜନ୍ମର

କିଛି ଅର୍ଥ ମୁ କାରରେ

      ନୁହଁ ଟି ପର (7)

ଦେବତା ହୋଇ ଏ କଥା

         ଚଳଣି ନର 

ଶିଖାଇ ଦିଅନ୍ତି ପଦ୍ମା,

          ରଙ୍ଗ ଅଧର (8)

   

       ତ୍ରିପତି ପ୍ରଧାନ

ସଂସ୍କୃତ ଶିକ୍ଷକ, ଚିକିଟି, ଗଞ୍ଜାମ