ଭାବାନ୍ତର 

ଗୋଧୂଳି ସଞ୍ଜରେ ତୁମକୁ ଦେଖିଲେ

  ଉତ।ପ ଯାଏ ମୋ ବଢ଼ି

ଫୁଟା ଫୁଲ ତୁମେ ଫୁଲେଇ ହେଉଛ

  ମୁଁ ଭାବେ ଫୁଲ କଢି ।

ରଙ୍ଗ ଅଧରରେ ହସିଦେଲେ ଥରେ

  ଇନ୍ଦ୍ରଧନୁର ଆଭା

ଅସ୍ତ ସୁର୍ୟର ଅବିରଠୁ ଲାଲ

ମୁଁ ଭାବେ ରକ୍ତ ଜବା ।

ଆଖିରେ ଆଖିରେ କେତେ କଥା କୁହ

  ଆଖି ମାରିଦେଲେ ଗଲା

ଯୌବନ ନଈରେ ପହଁରା ମାରୁଚ

  ମୁଁ ଭାବେ ତୁମେ ପିଲା ।

ବାହୁ ବନ୍ଧନରେ ଆଖି ଲୁଚା ଖେଳ

  ଲୁଚାଇ ଦିଅ ମୋ ଆଖି

କେଶ ବନ୍ଧା ଫୁଲ ହାତରେ ଧରା ଅ

  ମୁଁ ଭାବେ ବୋଧେ ରାକ୍ଷୀ ।

ହାତ ବାଜିଗଲେ ମୁକୁଳା ବକ୍ଷେ

  ଉଷୁମ ଉଷୁମ ଲାଗେ

ମଧ୍ୟ ପୌଷର ପାହାନ୍ତିଆ ଶୀତ

  ରୁଦ୍ର ବୈଶାଖ ଭାବେ ।

ଅନେକ ବସନ୍ତ ଜୀବନ ସଙ୍ଗୀତ

  ଏଇମିତି ଯାଉ ବିତି

ମୁଁ ଭାବେ ତୁମେ ପୂର୍ବ ପର ଜନ୍ମେ

  ଏକଇ ଜୀବନ ସାଥି ।

କାଙ୍ଗାଳି ଚରଣ ସେଠୀ

ଅବସର ପ୍ରାପ୍ତ ବରିଷ୍ଠ ଶାଖା ପରିଚାଳକ

ଓଡିଶା ଗ୍ରାମ୍ୟ ବ୍ୟାଙ୍କ

ଯାଜପୁର ରୋଡ଼