ଜଣାଣ

ମାନଗୋବିନ୍ଦ ସ୍ବାଇଁ

ସନ୍ଧ୍ୟା ଦୀପ ଜାଳି ଦେଉଛି ଅଞ୍ଜଳି

      ପ୍ରଭୁ ତୁମ ଏ ପୟର

ପ୍ରାର୍ଥନା କରୁଛି ଭକ୍ତିର ସଂଗୀତ

    ମୋର ଦେବତା ଈଶ୍ୱର।

ନିତି କରି ଗାନ ପ୍ରଭୁଙ୍କ ଜଣାଣ

    କଣ୍ଠଦାନ ତାଙ୍କ କୃପା

କହି ଦିଅ ପଦ ମୋ ପାଇଁ ସଂପଦ

     ତୁମେ ଶକ୍ତି ଯେ ସ୍ବରୁପା।

ତୁମ ଛବି ମନେ ଆସି ଗଲା ପରେ

      ମନରେ ବଢୁଛି ଭକ୍ତି

ଅଦୃଶ୍ୟ ରୂପରେ କୁଆଡେ ରହିଛି

    ଭାବନା ମିଳୁଛି ଶାନ୍ତି।

ଗୁପତେ ରହିଛି ଉପଦେଶ ଦିଏ

   ଠିକ ଠିକଣା ଯେ ବାଟ

ଏଇ ପଥେ ଆସ ବସି ବନ୍ଧୁ କଥା

   ପଥ ନଥିବ ସଂକଟ।

ଜୀବନ ମିଶାଣ ଜୀବନ ଫେଡାଣ

          ହରଣ ଗୁଣନ କଥା

ସେ ସବୁ ବୁଝନ୍ତି ପ୍ରଭୁ ଦୟାମୟ

    ସଂସାର ଦୁଃଖ ର ବ୍ୟଥା।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା