କୋକସରା,୯/୮- (ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ ଆମପାଣି ପଞ୍ଚାୟତ ୨୬ ନମ୍ବର ଜାତୀୟ ରାଜପଥ ଠାରୁ କନ୍ଦାଗଡ଼ କୁ ସଂଯୋଗ କରୁଥିବା ଆରଡି ରାସ୍ତାରେ ଏକ ବିରାଟ ପଳାସ ଗଛ ପଡିବା ଫଳରେ ଶୁକୁଲିଭଟା ନିକଟରେ ରାସ୍ତା ଅବରୋଧ ହୋଇଥିଲା। ଏଣୁ ଏହି ରାସ୍ତା ଦେଇ ଯାତାୟାତ ବାଧାପ୍ରାପ୍ତ ହୋଇଥିଲା। 
ଆମପାଣି ନାଏବ ସରପଞ୍ଚ ଭବାନୀ ଶଙ୍କର ପୁରୋହିତ ଏନେଇ କୋକସରା ଅଗ୍ନିଶମ କର୍ମଚାରୀ ଙ୍କୁ ୧୦୨ ଜରୁରୀ କାଳୀନ ସେବାରେ ଫୋନ କରିବାରୁ କିଛି ସମୟ ପରେ କୋକସରା ଅଗ୍ନିଶମ କର୍ମଚାରୀ ପହଞ୍ଚି ରାସ୍ତାରେ ପଡି ରାସ୍ତା ଅବରୋଧ କରିଥିବା ଗଛକୁ କାଟି ହଟାଇବା ପରେ ଯାତାୟାତ ସ୍ୱାଭାବିକ ହୋଇଥିଲା ।
