ରକ୍ଷା ବନ୍ଧନ
ବରଷକେ ଥରେ ରକ୍ଷା ବନ୍ଧନ
ଆଣିଚି ତା ସାଥେ କେତେ ଆନନ୍ଦ।।
ଭଉଣୀ ବାନ୍ଧିବ ଭାଇ ହାତରେ
ରାକ୍ଷୀ ନାମେ ରକ୍ଷା କବଚ ଡୋରେ।।
ବନ୍ଧନ ଭିତରେ ରକ୍ଷା ବନ୍ଧନ
ଯୋଡି ଦିଏ ଭାଇ ଭଉଣୀ ମନ।।
ଥିଲେ ଥାଉ ମନେ ଯେ ଅଭିମାନ
ଭଉଣୀ ବନ୍ଧିବ ସ୍ନେହ ବନ୍ଧନ।।
ଦୁଃଖର ଲୁହରେ ହସରେ ସୁଖି
ରାକ୍ଷୀ ରହିଥାଏ ସର୍ବଦା ସାକ୍ଷୀ।।
ଭାଇ ଭଉଣୀର ପ୍ରେମ ସମ୍ପର୍କ
ଅନେକ ଫୁଲର ମଧୁ ମହକ।।
ହେଉ ବର୍ଷା ଶୀତ କାକର ଖରା
ବିପଦେ ଆପଦେ ଭାଇ ସାହାରା।।
ଭାଇ ଥିଲେ ଜାଣ ଦୁନିଆ ଅଛି
ଭଉଣୀର ଲୁହ ଦିଏ ସେ ପୋଛି।।
ରେଶମୀ ସୂତାରେ ବନ୍ଧା ସେ ମନ
ଶ୍ଵାଶତ ପ୍ରେମର ପବିତ୍ର ଚିହ୍ନ।।
ସ୍ବାର୍ଥ ନାହିଁ ଅଛି ଭାବ ବନ୍ଧନ
ରହିଚି ରହିବ ସେ ଚିରନ୍ତନ।।
ଭାଇ ଭଉଣୀର ସମ୍ପର୍କ ସୂତା
ଛିଣ୍ଡିବନି କେବେ ସ୍ନହ ମମତା।।
ମମତା ସାହୁ
ଗାଈଗାଁ,କଳାହାଣ୍ତି
