ମୋ ଭାଷାର ସମୃଦ୍ଧି
ଶକ୍ତିଦା ବିଷୋୟୀ
ଜୀବନଟା ଯେବେ ଜଞ୍ଜାଳମୟ
ଦୁଃଖେ କଷ୍ଟ ଯାଏ ଭରି
କ୍ଷଣିକ ଆନନ୍ଦ ପାଇବା ପାଇଁକି
ମନ ଉଦ୍ ବେଗ ଭାରି
ସେହି ରସାମୃତ ଆନନ୍ଦ ପାଇଁକି
ଶବ୍ଦ ହୁଏ ପରମବ୍ରହ୍ମ
ଶବ୍ଦ ସୃତିରେ ମନ ପାଏ ମୁକ୍ତି
ପାଳି କର୍ତ୍ତବ୍ୟର ଧର୍ମ
ସେ ଜୀବନ୍ତ ଶବ୍ଦ ରଚୁଛନ୍ତି ନିତି
ସାହିତ୍ୟ ସାଧକ ଆମ
ପୁଲ୍ଲକିତ କରେ ମନ ପ୍ରାଣ ଆମ
ଭୁଲିଲୁ ସକଳ କାମ
ଶବ୍ଦ ବିନ୍ଧାଣି ବର୍ଣ୍ଣମାଳାରେ
ରଚି ନିତି ନୂଆ ମାଳା
ଲମ୍ବାଇ ଦିଅନ୍ତି ଉତ୍କଳ ମା’ ବେକେ
ସୁନ୍ଦର ଦିଶଇ ଗଳା
ଧନ୍ୟ କାରିଗର ଶବ୍ଦେ କରି ହାର
ଅମର ଏ ଧରା ଧାମେ
ମନୋ ହାରି କାବ୍ୟ ହେଉଛି ଉଦଦ୍ଭବ
ମା’ ସାହା ହୁଅ ତୁମ।
ଆବାଳ ବନିତା ପ୍ରେମେ ହୋଇ ବାଇ
ଭୁଲିଥାନ୍ତି ଦିନ ରାତି
ରାତ୍ରୀ ଉଜାଗରେ କବିତା ଲେଖନ୍ତି
କବିଭାବ ମନେ ତାତି।
ଶୁଭଙ୍କର ଏହା ଓଡ଼ିଆ ଭାଷାର
ଉନ୍ନତି ର ପରିଚାୟ
ସମୃଦ୍ଧ ମୋ ଭାଷା ଆହୁରି ହୋଇବ
ବିଶ୍ୱରେ ହୋଇବ ଜୟ।
ଧନ୍ୟ ମୋ ଉତ୍କଳ ଧନ୍ୟ।
ଗଞ୍ଜାମ