ପାପଡାହାଣ୍ଡି, 11/8, ମନିସ –— ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ପଞ୍ଚାୟତର ଛଟାଗୁଡା ଗ୍ରାମର ତ୍ରିନାଥ ପୂଜାରୀଙ୍କୁ ରାତିରେ ଶୌଚ ପାଇଁ ଯାଇଥିବା ବେଳେ ଭାଲୁ ଆକ୍ରମଣର ଶିକାର ହୋଇଛନ୍ତି । ଭାଲୁ ଗୋଡ଼ରେ କାମୁଡି ଦେବାରୁ ଗୁରୁତର ଅବସ୍ଥାରେ ପ୍ରଥମେ ପାପଡାହାଣ୍ଡି ମେଡିକାଲ ଓ ପରେ ଜିଲ୍ଲା ମୁଖ୍ୟଚିକିତ୍ସାଳୟରେ ଭର୍ତ୍ତୀ କରାଯାଇଛି । 
ସୂଚନା ପ୍ରକାରେ ବୁଧବାର ମଧ୍ୟ ରାତ୍ର ସମୟରେ ଶୌଚ କରିବାକୁ ଘର ପାଖକୁ ଯାଇଥିଲେ । ପଛ ଆଡ଼ୁ ଭାଲୁ ଆସି ତ୍ରିନାଥ ଙ୍କୁ ଆକ୍ରମଣ କରିଥିଲା । ଆକ୍ରମଣର ଶିକାର ହୋଇଥିବା ତ୍ରିନାଥ ପାଟି କରି ସାହି ପୋଡ଼ିଶାଙ୍କୁ ଡାକିବା ପରେ ଭାଲୁ ଜଙ୍ଗଲ ଆଡକୁ ଚାଲିଯାଇଥିଲା ।
108 ଆମ୍ବୁଲାନ୍ସରେ ନେଇ ପ୍ରଥମେ ପାପଡାହାଣ୍ଡି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ ଅଧିକ ଗୁରୁତର ହେବାରୁ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ବର୍ତ୍ତମାନ ସ୍ୱାସ୍ଥ୍ୟ ଅବସ୍ଥା ଠିକ ଥିବା ସହ ଆଉ ପ୍ରାୟ ପନ୍ଦର ଦିନ ରହିଲେ ସମ୍ପୂର୍ଣ ଭଲ ହୋଇଯିବ ବୋଲି ଡ଼ଃ ଲକ୍ଷ୍ମୀ ନାରାୟଣ ବିଶୋଇ କହିଛନ୍ତି ।
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
