ତ୍ରିରଙ୍ଗାର ପାଦତଳେ

ସ୍ୱାଧୀନତା ଲଢ଼ି ଫାଶୀପରେ ଚଢି

ବହିଥିଲା ଯୋଉ ରକତ

ମାଟିରେ ପ୍ଲାବିତ ହୋଇ ସେ ରକତ

ଗେରୁଆ ରଙ୍ଗରେ ବିଦିତ

ତ୍ରିରଙ୍ଗା ପତାକା ଶୀର୍ଷରେ ରହିଛି

କରୁଛି ବିରତ୍ୱ ସୂଚିତ।।(୧)

ମଝିରେ ରହିଛି ଶୁଭ୍ର ଧଳା ରଙ୍ଗ

ପ୍ରଶାନ୍ତି, ସତ୍ୟ ଗୀତ ଗାଇ

ତା ମଧ୍ୟେ ରହିଛି ପ୍ରଗତିର ଚକ

ଦେଶ ଉନ୍ନତି କଥା କହି

ଚବିଶିଟି ଅର ଚବିଶି ବୈଶିଷ୍ଟ୍ୟ

ନିଜ ଇଛାରେ ଛନ୍ତିବହି।।(୨)

ଘନ ସବୁଜର ରଙ୍ଗରେ ତ୍ରିରଙ୍ଗା

ରଙ୍ଗେଇଛି ତଳ ଭାଗରେ

ଭ୍ରାତୃତ୍ବଭାବକୁ ସୁଚେଇ ଦଉଛି

ଧର୍ମଭାବ ଭୁଲି ସଧିରେ

ଆମେ ତ ଚଳୁଛୁ ଭାରତୀୟ ନାମେ

ମାନି ସମ୍ବିଧାନ ବିଧିରେ(୩)

ଧନ୍ୟ ପଟ୍ଟୀ ଭେଙ୍କେୟା ଚିତ୍ରକର

ନିର୍ମାଣିଲ କେଡେ ଯତନେ

ଏଇ ତ୍ରିରଙ୍ଗାର ପାଦତଳେ ରହି

ଜୟଧ୍ଵନି ଛାଡୁ ସଘନେ

ଜାତିଧର୍ମ ଭୁଲି ଭାରତୀୟ ବୋଲି

କମ୍ପାଉ ଗଗନ ପବନେ।।(୪)

                         

                  ଶାନ୍ତନୁ ବିଶୋଇ

                                ଦଣ୍ଡୋର, ଓଡ଼ଗାଁ