ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ ଅନ୍ତର୍ଗତ ବରଗା ଗ୍ରାମର ସୁଶୀଲ କୈବର୍ତ୍ତଙ୍କ ସ୍ତ୍ରୀ ଦୀପା କୈବର୍ତ୍ତଙ୍କୁ ଗତ ଜୁଲାଇ ଏଗାର ତାରିଖ ଦିନ ଖଡ଼ିଆଳ ଉପଖଣ୍ଡ ଚିକିତ୍ସାଲୟରେ ଡ. ଦୀନବନ୍ଧୁ ମହାନନ୍ଦ ଭୁଲ ଅସ୍ତ୍ରୋପଚାର କରିଥିଲେ । ଫଳରେ ଦୀପାଙ୍କର ଚିକିତ୍ସାଧିନ ଅବସ୍ଥାରେ ଜୁଲାଇ ସତର ତାରିଖରେ ତାଙ୍କର ବୁର୍ଲା ଠାରେ ମୃତ୍ୟୁ ହୋଇଥିଲା । ସେନେଇ ଖଡ଼ିଆଳ ଥାନା ଛକ ଠାରେ ସହାୟତା ଯୋଗାଇ ଦେବା ନେଇ ୩୫୩ ନମ୍ବର ଜାତୀୟ ରାଜପଥ ଅବରୋଧ କରିଥିଲେ । ଏହି ସମୟରେ ପ୍ରଶାସନ ପକ୍ଷରୁ ସହାୟତା ଯୋଗାଇ ଦେବାକୁ ନେଇ ବିଭିନ୍ନ ସହାୟତା ଯୋଗାଇ ଦେବାର ପ୍ରତିଶ୍ରୁତି ଦେଇଥିଲେ । ରେଡ଼ କ୍ରସ ପାଣ୍ଠିରୁ କୋଡିଏ ହଜାର ଟଙ୍କା , ବିଡ଼ିଓ ଖଡ଼ିଆଳ ପକ୍ଷରୁ ଆବାସ ଯୋଜନାରେ ସାମିଲ କରିବା , ତହସିଲଦାର ବିଭାଗ ପକ୍ଷରୁ ଚାରି ଡ଼ିସିମିଲ ଜମି , ଜିଲ୍ଲା ସ୍ତରୀୟ ଅଧିକାରୀ ମାନେ ବିଭିନ୍ନ ପ୍ରତିଶ୍ରୁତି ଦେଇଥିଲେ ଓ ସଂପୃକ୍ତ ଡାକ୍ତରଙ୍କ ବିରୋଧ କାର୍ୟ୍ଯ ନୁଷ୍ଠାନ ଗ୍ରହଣ କରାଯାଇ ନାହିଁ । ବର୍ତ୍ତମାନ ସ୍ତ୍ରୀ ଦୀପାଙ୍କ ମୃତ୍ୟୁ ପରେ ସ୍ବାମୀ ସୁଶିଳା କୈବର୍ତ୍ତ ତିନୋଟି ନାବାଳକ ପୁଅ ଝିଅ ମାନଙ୍କୁ ନେଇ ରହୁଥିବା ବେଳେ ସୁଶୀଲ ପୁଅ ଝିଅ ମାନଙ୍କ ପାଇଁ କୌଣସି କାର୍ଯ୍ୟ କରି ପାରୁନାହାନ୍ତି । ଜିଲ୍ଲା ପ୍ରଶାସନ ତୁରନ୍ତ ଘୋଷଣ କରିଥିବା ସହାୟତା ରାଶି ଯୋଗାଇ ଦେବାକୁ ଅଭିଯୋଗ ଶୁଣାଣି ଶିବିରରେ ଲିଖିତ ଅଭିଯୋଗ କରିଛନ୍ତି । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
