ଆଶ୍ୱିନ ଆସିଛି

     

ନନ୍ଦିନୀ ରାଉତ

ଆଶ୍ୱିନ ଆସିଛି ଧରାକୁ ଆଜିଲୋ

    ଖୁସିର ପସରା ନେଇ

ଆଶ୍ୱିନ ଆକାଶେ ହସଇ ଚନ୍ଦ୍ରମା

   ସରୋବରେ ନୀଳକଇଁ।1।

କେତେ ଓଷାବାର ସାଥିରେ ଆଣିଛି

     ଭେଟି ସତେ ଦେବା ପାଇଁ

ଭକ୍ତଙ୍କର ମନ ଭାବବିହ୍ଵଳିତ

     ଦେବୀ ଆରାଧନା ପାଇଁ।2 

ଶସ୍ୟ ସମ୍ଭାରକୁ ରଖିଛି ଧରିତ୍ରୀ

     ମାତା ସମ୍ବର୍ଦ୍ଧନା ପାଇଁ

ଚଳ ଚଞ୍ଚଳତା ଉତ୍ସବ ମୁଖର

    ମୁଖରେ ହସ ଫୁଟଇ।3।

ବିମଳ ଆକାଶ କି ସୁନ୍ଦର ଆହା

    ଶଶୀର ନିର୍ମଳ ଆଭା

ନଭରାଣୀ ଏବେ ତାରକା ମାଳରେ

    ସଜାଇଛି ନିଜ ଗଭା।4।

ଶରତ ସକାଳ ମୋ ସଜ ପଖାଳ

     ଟିକି ଗାଡ଼ିଆର ମାଛ

ଭେଣ୍ଡି ବାଇଗଣ କଷି କାକୁଡି ଯେ

    ବାଡ଼ିରେ ସଜନା ଗଛ।5।

ଆଶ୍ୱିନ ଆସିଛି ଚଷାଭାଇ ମନେ

    କେତେ ଯେ ଆଶା ଜଗାଇ

ଫସଲରେ ଆଜି ହସୁଛି କ୍ଷେତ ଲୋ

    ଖୁସି ଲହଡି ମାରଇ।6।

ଦେବୀ ଦଶଭୁଜା ପାଇଁ ପୁଷ୍ପ ଖୋଜା

    ପ୍ରତି ପ୍ରାଣ ପ୍ରଫୁଲ୍ଲିତ

ଷୋଡ଼ଶୀ ରୂପସୀ ମନ ଛନଛନ

    ଗାଏ ଚୁପି ଚୁପି ଗୀତ।ଉ।7।

ଦଶରା ଛୁଟିରେ ବଡ଼ ମଉଜ ଲୋ

    କରନ୍ତି ଚାଟ ସଭିଏଁ

ନାଚ ପାଲା ଆଉ ମେଢ଼ ଭସାଣି ରେ

    ମନ ଆନନ୍ଦିତ ହୁଏ।8।