ଜଣାଣ

ମାନଗୋବିନ୍ଦ ସ୍ବାଇଁ

ପ୍ରଭୁ ଦିଅ ଶକ୍ତି ପାଇ ଯିବି ମୁକ୍ତି 

    ଏତିକି କରୁଣା କର

ଚରଣ ଧରୁଛି ଶରଣ ପଶୁଛି

   ଭକ୍ତିର ମୋର ଈଶ୍ୱର।

ଦିନ ଦିନ ଧରି ଚାହିଁ ବସି ଅଛି

   କେତେବେଳେ ମିଳୁ ହସ

ସେହି ଆଶା ଧରି ପ୍ରତୀକ୍ଷା କରିଛି

     ମିଳୁ ଜୀବନ ସାହସ।

ତୁମ ନାମ କେବେ ତୁଣ୍ଡରୁ ଛାଡ଼ିନି

    ସଦା କାଳେ ମୋ ସ୍ମରଣ

ହୃଦୟ ଆସୁଛ ସବୁ କଥା କହି 

      ପ୍ରଭୁ ଘେନ ମୋ ପ୍ରଣାମ।

ଭଜନ କରୁଛି ଜଣାଣ କରୁଛି

    ସପନେ କରିଛ ବାସ

ଭଜୁଛି ତୁମକୁ ଦିନ ରାତି ବସି

   ପୂଜା ବର୍ଷ ଦିନ ମାସ।

ଦେଖା ଦିଅ ଅବା ଦେଖା ନଅ ଦିଅ

     ଯାଉନି ପଥକୁ ହୁଡ଼ି

କ୍ଷମା ଦିଅ ପ୍ରଭୁ ପାପ ସବୁ ଯେତେ

    ମାଗୁଛି ଏ ହାତ ଯୋଡ଼ି।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା