ଜଣାଣ

ମାନଗୋବିନ୍ଦ ସ୍ବାଇଁ

ଆନନ୍ଦ ବଜାର ଅବଢ଼ା ପ୍ରସାଦ

      ଲାଗୁଛି ଭାରି ବଢିଆ

ଭକ୍ତିର ଠାକୁର ଆଶିର୍ବାଦ ଦିଅ

   ଭାଙ୍ଗୁଛି ଆଶା ନଡ଼ିଆ।

ତୁମରି ନାମରେ ଚନ୍ଦନ ଲଗାଇ

    ଗାଉଛି ତୁମରି ଗୀତ

ଆନନ୍ଦ ଆସୁଛି ହୃଦୟ ମଧ୍ୟରେ

    ଝରେ ଗୀତରୁ ଅମୃତ।

ଗୀତର ମଳୟ ସ୍ରୋତ ପ୍ରବାହିତ

    ଭକ୍ତ ଆସେ ହାତ ଯୋଡ଼ି

ଭକତ ଆସଇ ଭକ୍ତି ଭାବ ନେଇ

    ଜଣାଇ ଦୁଃଖକୁ ବାଢ଼ି।

ଆଖିର ଲୁହରେ କାନିତ ଭିଜୁଛି

     ଶୁଣିବାକୁ ହବ ଦୁଃଖ

ଦୁଃଖ ସୁଖ ମିଶି ସଂସାର ଚାଲିଛି

    କାହା ମୁଖେ ଦିଅ ସୁଖ।

ବିଶ୍ବ ଦରବାରେ ହେ ବିଚାର ପତି

       କରୁଛ ସର୍ବ ବିଚାର

ଜଗତ ଦୁଃଖକୁ କହି ଦେଲି ସବୁ

   ତୁମେ ମୋ ବିଶ୍ବ ଠାକୁର।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା