ହେ ଗଜାନନ

               ସନ୍ତୋଷ କୁମାର ସାହୁ

ବିଘ୍ନ ବିନାଶନ ହେ ଗଜାନନ

ସିଦ୍ଧିଦାତା ଜ୍ଞାନ ଦାତା

ସକଳ କାର୍ଯ୍ୟର ପ୍ରାରମ୍ଭ ତୁମେ

ଅଗ୍ରପୂଜ୍ୟ ଦିଅ ବାର୍ତ୍ତା।

ଦିଅ ପ୍ରଭୁ ମୋତେ ବିପଦେ ବାରତା

ରକ୍ଷାକର ଲମ୍ୱୋଦର

ଦୁଃଖର ପାହାଡ ଭାଜେ ମୋ ଉପରେ 

ଶିବସୂତ ରକ୍ଷାକର।

ମହାଭାରତକୁ ରଚି ବେଦବ୍ୟାସ

ହୋଇଲେ ସଂସାରେ ଜ୍ଞାନୀ

ପାର୍ବତୀ ନନ୍ଦନ ସିଦ୍ଧି ବିନାୟକ

ଦୟାକର ଧୁମ୍ରବର୍ଣ୍ଣୀ।

ତୁମ୍ଭ କରୁଣାରେ ମୂର୍ଖ ହୁଏ ଜ୍ଞାନୀ

ପାଏ ସମାଜେ ସମ୍ମାନ

ତୁମ କୃପା ଲଭି ମାନବ ମହୀରେ

ପାଇଥାଏ ଦିବ୍ୟ ଜ୍ଞାନ।

ଭାଦ୍ରବ ମାସର ଶୁକ୍ଳ ଚତୁର୍ଥୀରେ

ଧରାଧାମେ ବିଜେକର

ଅଧମ ଅକ୍ଷମ ଅବୋଧ ସନ୍ତାନ

ବିଘ୍ନର ବିନାଶ କର।

ନବରଙ୍ଗପୁର