ବାଲେଶ୍ଵର,୦୪/୯/୨୨- ବାଲେଶ୍ଵର ସହରରେ ଥିବା ଶ୍ରୀଜଗନ୍ନାଥ ଗ୍ରୁପ ଅଫ ଇନଷ୍ଟିଚ୍ୟୁସନର ସ୍ଵାଗତ ସମ୍ବର୍ଦ୍ଧନା ଦିବସ ପାଳିତ ହୋଇଯାଇଛି । ଶ୍ରୀଜଗନ୍ନାଥ ଗ୍ରୁପ ଅଫ ଇନଷ୍ଟିଚ୍ୟୁସନ ହେଉଛି ଏକ ଆବାସିକ ବିଦ୍ୟାଳୟ, ଯେଉଁଠି ୬ଷ୍ଠ ଶ୍ରେଣୀ ଠାରୁ ଆରମ୍ଭ କରି ଯୁକ୍ତ ୨ ବିଜ୍ଞାନ ଶ୍ରେଣୀ ପର୍ଯ୍ୟନ୍ତ ପାଠ ପଢିବା ପାଇଁ ବ୍ୟବସ୍ଥା ରହିଛି। ଏହି ଶିକ୍ଷାନୁଷ୍ଠାନରେ ଦୈନିକ ବ୍ୟାୟାମ ସହିତ ଗୀତା ପାଠ କରାଯାଇଥାଏ ଏବଂ ଏହା ସହିତ ଏକ ସୁନ୍ଦର ଶୈକ୍ଷିକ ପରିବେଶ ମଧ୍ୟ ରହିଛି ।
ଏହି ସ୍ୱାଗତ ସମ୍ବର୍ଦ୍ଧନା ଉତ୍ସବରେ ବାଲେଶ୍ଵର ଡିଇଓ ବିଷ୍ଣୁ ଚରଣ ସୂତାର ମୁଖ୍ୟ ଅତିଥି ଓ ଦୈନିକ ସମାଜ ବାଲେଶ୍ଵର ସଂସ୍କରଣ ଜେନେରାଲ ମ୍ୟାନେଜର କୁଳମଣି ବାରିକ ମୁଖ୍ୟବକ୍ତା ଭାବେ ଯୋଗଦେଇ ନିଜର ବକ୍ତବ୍ୟ ରଖିଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ଶ୍ରୀଜଗନ୍ନାଥ ଗ୍ରୁପ ଅଫ ଇନଷ୍ଟିଚ୍ୟୁସନର ଚେୟାରମ୍ୟାନ ଗଙ୍ଗାଧର ଜେନା, ସଦର ବ୍ଲକ ବିଇଓ ମିହିର କୁମାର ପ୍ରଧାନ, ଶ୍ରୀଜଗନ୍ନାଥ ଯୁକ୍ତ ୨ ବିଜ୍ଞାନ କଲେଜର ଅଧ୍ୟକ୍ଷ ଗଣେଶ କୁମାର ଜେନା, ଶ୍ରୀଜଗନ୍ନାଥ ଆବାସିକ ବିଦ୍ୟାଳୟର ପ୍ରଧାନ ଶିକ୍ଷକ ଶେଖ ମୁସ୍ତାକ ଅଲ୍ଲୀ, ବରିଷ୍ଠ ଶିକ୍ଷକ ନିତ୍ୟାନନ୍ଦ ପାତ୍ର ପ୍ରମୁଖ ଯୋଗଦେଇ ଅନୁଷ୍ଠାନର ଉତ୍ତରୋତ୍ତର କାମନା କରିବା ସହିତ ନିଜ ନିଜର ବକ୍ତବ୍ୟ ରଖିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଭାଗ ନେଇଥିଲେ । ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ଓ ଶିକ୍ଷା କର୍ମଚାରୀ ମାନେ କାର୍ଯ୍ୟକ୍ରମ ପରିଚାଳନାରେ ପୂର୍ଣ୍ଣ ସାହାଯ୍ୟ ଓ ସହଯୋଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
