ପଶ୍ଚିମ ଓଡ଼ିଶାର ନୂଆଖାଇ 

ପଶ୍ଚିମ ଓଡ଼ିଶା ଗଣପର୍ବ ଏହି

      ଖ୍ୟାତ ନୂଆଖାଇ ନାମେ

କୃଷିଭିତିକ ଏ ପରବ ପାଳନ୍ତି

        ଗୃହେ,ଦେବାଦେବୀ ଧାମେ ॥

ଭାଦ୍ରବ ମାସର ଶୁକ୍ଳ ପଞ୍ଚମୀର

              ପରଦିନୁ ପାଳିଥାନ୍ତି

ଆତ୍ମିୟ ସ୍ଵଜନେ ବନ୍ଧୁ ଓବାନ୍ଧବେ

             ଏକତ୍ର ମିଳନ ହ୍ୟୁନ୍ତି ॥

ଇଷ୍ଟଦେବୀ ପୂଜି ନବ ତଣ୍ଡୁଳରେ

           ପିଠାପଣା କ୍ଷୀରି କରି

ନୂଆ ବସ୍ତ୍ର ପିନ୍ଧି ନଇବେଦ୍ୟ କରି

         ନବାନ୍ନ ବାଣ୍ଟନ୍ତି ଧରି ॥

ଏତ ଭାଇଚାରା ପରବ ଅଟଇ

          ହିଂସା ବାଦ ଭୁଲି ଥାନ୍ତି

ନାଚଗୀତ ବାଦ୍ୟେ ଖେଳ କସରତେ

        ଏକାକାର ହୋଇ ଯାନ୍ତି ॥

ନୂଆଖାଇ ଭେଟେ ବଡ଼କୁ ଜୁହାରି

             ସାନଙ୍କୁ ଆଶିଷ ଦ୍ୟନ୍ତି

ଧନୀ ଗରିବର ଭେଦ ଭାବ ଭୁଲି

               ସମଲାଇ ପୂଜି ଥାନ୍ତି ॥

ଦ୍ୱାଦଶ ଶତାବ୍ଦୀ ଠାରୁ ଏ ପରବ

             ଆସୁଛି ପାଳନ ହୋଇ

ମାନସିକ ଶାନ୍ତି ବାଣ୍ଟେ ପ୍ରେମ ପ୍ରୀତି

             ମାନବ ହୃଦୟେ ଏଇ ॥

ରତିନାରାୟଣ ରାଉତ 

ହରିଚନ୍ଦନପୁର, କେନ୍ଦୁଝର, ଓଡ଼ିଶା