ନର୍ଲା (ମନିସ) ନର୍ଲା ବ୍ଳକ ଅନ୍ତର୍ଗତ ଶାନ୍ତପୁରରେ ଅନୁଷ୍ଠିତ ୟଙ୍ଗ ଷ୍ଟାର ଫୁଟବଲ ଟୁର୍ଣ୍ଣାମେଣ୍ଟରେ ନର୍ଲା ଚାମ୍ପିଅନ ହୋଇଛି। ଗତ କୋଡ଼ିଏ ତାରିଖ ଠାରୁ ଆରମ୍ଭ ହୋଇଥିବା ଫୁଟବଲ ଟୁର୍ଣ୍ଣାମେଣ୍ଟରେ ଆଠ ଗୋଟି ଦଳ ଅଂଶଗ୍ରହଣ କରିଥିଲେ। ପ୍ରଥମ ସେମିଫାଇନାଲ ନର୍ଲା ଓ ପିପଲଭାଡି ଦଳ ମଧ୍ୟରେ ଖେଳାଯିବା ସହ ଦ୍ଵିତୀୟ ସେମିଫାଇନାଲ ଦାଦପୁର ଓ କଣ୍ଟାବାଞ୍ଜି ମଧ୍ୟରେ ହୋଇଥିଲା। ଶେଷରେ ନର୍ଲା ଓ ଦାଦପୁର ମଧ୍ୟରେ ସଂଘର୍ଷ ପୂର୍ଣ୍ଣ ଫାଇନାଲ ଖେଳ ଅନୁଷ୍ଠିତ ହୋଇଥିଲା। 
ଏଥିରେ କେହି କାହାରି କୁ ଗୋଲ୍ ଦେବାକୁ ସକ୍ଷମ ହୋଇ ନ ଥିବା ବେଳେ ଟ୍ରାଇବ୍ରେକର ଜରିଆରେ ନର୍ଲା ୫/୪ ଗୋଲରେ ବିଜୟୀ ହୋଇଥିଲା। ବିଜୟୀ ନର୍ଲା ଦଳକୁ ମୁଖ୍ୟ ଅତିଥି ତଥା ନର୍ଲା ବ୍ଳକ ଉପାଧ୍ୟକ୍ଷ ଦୂର୍ଗା ପ୍ରସାଦ ମହାନ୍ତି ଟ୍ରଫି ସହ ୭୦୦୦ ଟଙ୍କା ଓ ଦାଦପୁର ଦଳକୁ ପାଞ୍ଚ ହଜାର ଟଙ୍କା ଓ ଟ୍ରଫି ପ୍ରଦାନ କରିଥିଲେ। ଏଥିରେ ଅନ୍ୟତମ ଅତିଥି ଭାବେ ବିଜେଡି ଯୁବ ସଭାପତି ଓମ୍ ପ୍ରକାଶ ପୁଝାରୀ, ଶାନ୍ତପୁର ଗ୍ରାମ ପଞ୍ଚାୟତର ସରପଞ୍ଚ ପ୍ରମୁଖ ଯୋଗଦାନ କରିଥିଲେ। ଖେଳଟିକୁ ସନ୍ତୋଷ କୁମାର ନାଏକ, ସୁରେଶ ନାଏକ, ମୁକୁନ୍ଦ ନାଏକ ଓ ନାରାୟଣ ପଧାନ ପରିଚାଳନା କରିଥିଲେ।
ପ୍ରଦୀପ କୁମାର ଗଉଡ ନର୍ଲା ମସିହା ପ୍ରତିନିଧି।
