ହଜିଲା ଦରବ:–ଅଧ୍ୟାୟ-୯

 ଦିଲ୍ଲୀପ କୁମାର ନନ୍ଦୀ

ଆମ୍ବ ତୋଟାରେ ତ ଖୋପଡ଼ ଶବଦ

ମାଳି କାନରେ ବାଜୁନି

ବିଦ୍ୟାଳୟ ଦ୍ବାରେ ପ୍ରାର୍ଥନା ଶୁଭୁନି

ଲୁଚିଲାଣି ହାରମୋନି।୧।

ଦାସକାଠିଆ ତ ସପନ ହେଲାଣି

ଘୋଡ଼ା ନାଚ ଲୁଚିଲାଣି

ପାଲା କଥା ଭାଇ କାହିଁକି ପଚାର

କୀର୍ତ୍ତନ ଆଉ ଶୁଭୁନି।୨।

ତେଲିଙ୍ଗି ବାଇଦ ତୁରୀ କି ମହୁରୀ

ଦେଖିବାକୁ ତ ମିଳୁନି

ଢିଙ୍କି ହଜିଲାଣି ଅଦୂରରେ ବନ୍ଧୁ

ହେମଦସ୍ତା ଲୁଚିଲାଣି।୩।

କଟ କାଚ଼ ଖେଳ ପାପୁଲିରେ ନାହିଁ

ଟିପରେ ତ ମୋବାଇଲ

ତାର ବେତାରକୁ ପଚାରୁଛି କିଏ

ଚିଠି ପତ୍ର ତ ଦିଶୁନି।‌‌୪।

କାଏମା, ଧର୍ମଶାଳା, ଯାଜପୁର