ଜଣାଣ

ମାନଗୋବିନ୍ଦ ସ୍ବାଇଁ

ଆଳତୀ ବେଳରେ ତୋବଡ ଦାଣ୍ଡରେ

    ଜାଳି ମୋ ସଞ୍ଜ ଆଳତୀ

ପ୍ରାର୍ଥନା କରୁଛି ମୋ ଜୀବନ ପଥ

   ବଞ୍ଚିବା ଦିଅ ହେ ବୃତ୍ତି।

ଅଭାବ ସଂସାର ଚଳି ହେଉ ନାହିଁ

  ଦେବ ମୋତେ ପୁରା ଶାହା

ଆହା ମୋ କାଳିଆ ହେ ନିଳାଞ୍ଚଳିଆ

     ଧର୍ମ ଅବତାର ରାହା।

ଗରୁଡ଼ ସ୍ତମ୍ଭରୁ ଦର୍ଶନ କରିଲେ

   ଦିଶ କେଡେ ମୋ ସୁନ୍ଦର

ଦୁଇ ଚକ୍ଷୁ ମିଶି ମିଳନ ହୋଇଲେ

    ସତେ ହୁଅ ମୋ ଈଶ୍ୱର।

ତୂଳସୀ ପାଦୁକା ପାଇ ଦେଲା ପରେ

     ହୃଦୟ ହୁଏ ନିର୍ମଳ

ସତେକି ପ୍ରଭୁ ମୋ ହୃଦୟ ଭିତରେ

    କରି ଦେଲେ ମୋ ଶବଳ।

ଯୁଆଡ଼େ ଯାଉଛି ପ୍ରଭୁ ନାମ ଧରି

    ପଥ ଦିଶେ ପରିଷ୍କାର

ଅଘଟନ ନାହିଁ ବିଘଟନ ନାହିଁ

   ପ୍ରଭୁ ମୋ ଶକ୍ତି ଈଶ୍ୱର।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା