ମାଆ

ଶରତ ଆସିଛି ପାର୍ବଣ କୁ ନେଇ

ବଉଦ ମାଳାର ସାଥେ

ଧରଣୀ ବୁକୁରେ କାସତଣ୍ଡି ହସେ

ମୃଦୁ ମଳୟ ସହିତେ

ଗ୍ରାମ, ପୁର, ପଲ୍ଲୀ, ସହର ବଜାର

ସର୍ଵ ଉତ୍ସବ ମୁଖର

ଜୁଇ, ଜାଇ, ହେନା, ମାଳତୀ, ଟଗର

ଜମାଇ ଦେଇ ଆସର

ପ୍ରତୀକ୍ଷାରେ ସର୍ବେ ଚାହିଁ ରହିଛନ୍ତି

ଆଦ୍ୟାଶକ୍ତି ଆସୁଛନ୍ତି

ବଉଦ ମାଳାକୁ ନୀଳ ଉର୍ମିମାଳା

ସ୍ଵାଗତ ଜଣାଉଛନ୍ତି

ଧରା ପୃଷ୍ଠେ ଧିରେ ବିଜୟ କରନ୍ତି

ଶୈଳସୂତା ମହାମାୟା

ସିଂହ ପୃଷ୍ଠେ ବିଜେ କରନ୍ତି ଜନନୀ

ବିସ୍ତାରିଣ ତାଙ୍କ କାୟା

ଦୁଃଖ ବିନାସିବେ ସୁଖ ବାଣ୍ଟିଦେବେ

ହସି ଉଠିବ ଏ ଧରା

ପରମ ବୈଷ୍ଣବୀ କରୁଣା ସାଗର

ମେଲି ସୁଖର ପସରା

ହୋଇ ଆନନ୍ଦ ବିଭୋରା

ମେଲିବେ ସୁଖ ପସରା

ବିଳାସିନୀ ପୃଷ୍ଟି

ଭୁବନ, ଢେଙ୍କାନାଳ