୧୦୪ ଏସଏଚଜି ଗୃପ ମହିଳା ଙ୍କୁ ୧କୋଟି ୯୧ ଲକ୍ଷ ୨୫ ହଜାର ଟଙ୍କା ଋଣ ପ୍ରଦାନ
ଧର୍ମଗଡ:୩୦/୯/୨୨: ଓଡିଶା ଜୀବିକା ମିଶନ ଓ ମିଶନ ଶକ୍ତି ଧର୍ମଗଡ ବ୍ଲକ ଆନୁକୁଲ୍ୟରେ ଏକ ଋଣ ମେଳା କାର୍ଯ୍ୟକ୍ରମ ବ୍ଲକ ସମ୍ମିଳନୀ ଗୃହ ଠାରେ ଅନୁଷ୍ଠିତ ହୋଇଯାଇଛି । ଧର୍ମଗତ ବିଡ଼ିଓ ଶରତ କୁମାର ସେଠୀଙ୍କ ଅଧ୍ୟକ୍ଷତା ରେ ଆୟୋଜିତ ଏହି କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ଶ୍ରୀମତୀ ବବିତା ପାଟଯୋଷୀ ମୂଖ୍ୟ ଅତିଥି , ଜିଲ୍ଲା ଜୀବନ ଜୀବିକା ପୋଗ୍ରମ୍ ମେନେଜର ବିମ୍ବାଧର ସାହୁ,ଧର୍ମଗଡ ସିଡ଼ିପିଓ ସୁଚରିତା ମହାପାତ୍ର ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । 
ମହିଳା ସଶକ୍ତିକରଣ ତଥା ସ୍ବାବଲମ୍ବୀ କରିବା ପାଇଁ ୧୦୪ ଟି ସ୍ଵୟଂ ସହାୟିକା ଗୋଷ୍ଠି ଙ୍କୁ ବ୍ୟାଙ୍କ ଜରିଆ ରେ ୧ କୋଟି ୯୧ ଲକ୍ଷ ୨୫ ହଜାର ଟଙ୍କା ଋଣ ପ୍ରଦାନ କରାଯାଇ ଥିଲା । ଏହି କାର୍ଯ୍ୟକ୍ରମ ରେ ଧର୍ମଗଡ ସହରାଞ୍ଚଳ ରେ ଥିବା ବିଭିନ୍ନ ବ୍ୟାଙ୍କ ର ଶାଖା ପରିଚାଳକ ମାନେ ଯୋଗ ଦେଇ ହିତାଧିକାରୀ ମାନଙ୍କୁ ଚେକ୍ ପ୍ରଦାନ କରିଥିଲେ । 
ଠିକ ସମୟ ରେ ଋଣ ପରିଶୋଧ ପାଇଁ ଏସଏଚଜି ମହିଳା ମାନଙ୍କୁ ବିଡ଼ିଓ ଶ୍ରୀ ସେଠୀ ଶପଥ ପାଠ କାରାଇଥିଲେ । କାର୍ଯ୍ୟକ୍ରମ କୁ ମିଶନ ଶକ୍ତି ବିପିସି ସୁପ୍ରିୟା ପ୍ରଧାନ, ଵିପିଏସିଏ ରତନି ନାଏକ ଓ ବିଏଲସି ସନ୍ତୋଷ ଦାସ ପରିଚାଳନା କରିଥିଲେ । ମିଶନ ଶକ୍ତି ସଂଯୋଜିକା ନିର୍ବସିନି ଦେଇ ଧନ୍ୟବାଦ ଅର୍ପଣ କରିଥିଲେ ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
