ମାଆ ଗୋ ଦୁର୍ଗେ 

     

       ଅବିନାଶ ମହାପାତ୍ର 

     ମହକି ବାସୁଛି ବସୁନ୍ଧରା ଆଜି

          ଶରତର ଆଗମନେ

     ବିରାଜିବେ ମାଆ ମର୍ତ୍ତ୍ୟ ମଣ୍ଡଳରେ

          ସାଜ ସଜା ସବୁ ସ୍ଥାନେ l

     ଆଗମନୀ ବେଳ ପାଖେଇ ଆସିଲା

          ମାଆ ତୁମ ପୂଜା ପାଇଁ 

     ଗାଁ ରୁ ସହର ସବୁ ସ୍ଥାନେ ମାଗୋ

         ପାର୍ବଣର ଖୁସି ନେଇ l

     ପ୍ରସ୍ତୁତି ପରବ ସରିଲାଣି ଏବେ

          ବାଜିଲାଣି ଘଣ୍ଟ ତୂରୀ

    ସିଂହବାହିନୀ ମା ଅଭୟ ଦାୟିନୀ

         ଆସ ମା’ଗୋ ଅବତରି l

   ପୀଠେ ପ୍ରକମ୍ପିତ ମନ୍ତ୍ରଧ୍ୱନୀ ଶବ୍ବ

         ଆଳତି ଆହୁତି ସଙ୍ଗେ

   କୃପାକର ମା’ଗୋ ଧାରାକୁ ଓହ୍ଲାଇ

        ଖର୍ପର ତ୍ରିଶୂଳ ସଙ୍ଗେ l

    ଶକ୍ତି ସ୍ୱରୂପିଣୀ ଶୈଳସୁତା ମା’ଗୋ

          କରୁଣା ବାରିଧି ଢାଳି

    କରପତ୍ର ଯୋଡି କରୁଛି ମିନତି

         ଭରିଦିଅ ଅର୍ଘ୍ୟ ଥାଳି l

     ବୟାଙ୍ଗଡ଼ିହି, ଧାମନଗର, ଭଦ୍ରକ