ବାଲେଶ୍ଵର,୦୨/୧୦/୨୨- ବାଲେଶ୍ଵର ଜିଲ୍ଲା ଖଇରା ବ୍ଲକ ପରିସର ସଭା ଗୃହରେ ପବିତ୍ର ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ମହାଆଡମ୍ବର ସହକାରେ ପାଳିତ ହୋଇଯାଇଛି । ଏଥିରେ ସ୍ଥାନୀୟ ବିଧାୟକ ଜ୍ଯୋତି ପ୍ରକାଶ ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।ଅନ୍ୟ ଅତିଥି ମାନଙ୍କ ମଧ୍ୟରେ ଚେୟାରମ୍ୟାନ ଅଭିଲିପ୍ସା ସାହୁ, ବିଡ଼ିଓ ପର୍ଶୁରାମ ପଣ୍ଡା, ଜିଲ୍ଲା ପରିଷଦ ରଶ୍ମିତା ପାତ୍ର ଓ ମାନସ ଦାଶ, ପୂର୍ବତନ ବ୍ଲକ ଅଧ୍ଯକ୍ଷ ରମାକାନ୍ତ ମହାନ୍ତି, ସହକାରୀ ନିର୍ବାହୀ ଯନ୍ତ୍ରୀ ସୌମ୍ୟ ମୁକୁଲ ବାରିକ ଏବଂ ବିଏସଏସ ଓ ସାଲିମା ରାଉତ ମଞ୍ଚାସୀନ ଥିଲେ ।
ଏଥିରେ ବ୍ଲକ କର୍ମଚାରୀ ତ୍ରିଦିବ ସୁନ୍ଦର ବରାଳ, ଶଶିକାନ୍ତ ଦାସ ଓ ବ୍ରହ୍ମାନନ୍ଦ ଦାସ ପ୍ରମୁଖ ଉପସ୍ଥିତ ଥିଲେ । ବିଭିନ୍ନ ପଞ୍ଚାୟତରୁ ଆସିଥିବା ନିର୍ବାଚିତ ପ୍ରତିନିଧି ଓ ସ୍ବୟଂ ସହାୟିକା ଗୋଷ୍ଠୀର ମହିଳା ମାନେ ଯୋଗଦେଇ ଥିଲେ । ପବିତ୍ର ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ବିଷୟରେ ମଞ୍ଚାସୀନ ଅତିଥି ମାନଙ୍କ ବକ୍ତବ୍ୟ ସମସ୍ତଙ୍କ ପାଇଁ ଖୁବ୍ ସୁନ୍ଦର ଓ ଶିକ୍ଷଣୀୟ ଥିଲା । ପରେ ପରେ ଓଡିଶା ଜୀବିକା ମିଶନ ସୌଜନ୍ଯରେ ସଞ୍ଚୟିକା ଗ୍ରାମପଞ୍ଚାୟତ ସ୍ତରୀୟ ମହାସଂଘର ମହିଳା ମାନଙ୍କ ଦ୍ବାରା ବ୍ଲକ ପରିସର ଓ ବାହାରେ ସଫେଇ କାର୍ଯ୍ୟ କରାଯାଇଥିଲା । ଏଥିରେ ଅଧ୍ଯକ୍ଷା ଶ୍ରୀମତୀ ସାହୁ ସାମିଲ ହୋଇଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
