କାଶତାଣ୍ଡୀ ଫୁଲେ ଫୁଲେ ଆଶ୍ୱିନ ଆସେ
ଅନ୍ନପୂର୍ଣ୍ଣା ସାହୁ
ସରତର ଅଗମାନେ ଧରଣୀ ହସିଲା
ମୃଦୁ ମନ୍ଦ ପବନଟି ଦେହକୁ ସହିଲା(୧)
ମର୍ତ୍ତ୍ୟପୁର ମୁଖରିତ ଆଶ୍ଵିନ ଆଗମେ
ଦଶଭୁଜା ଦୁର୍ଗା ମା ଓହ୍ଲେଇବେ ଧାମେ(୨)
କାଶତାଣ୍ଡୀ ଫୁଲେ ଦିଶେ ସୁନ୍ଦର ଧରଣୀ
ତଟିନୀ ପିନ୍ଧିଛି ସତେ ଧବଳ ଓଢଣୀ(୩)
କୁଆଁରୀ ପାଳିବେ ସର୍ବେ କୁମାର ପୂର୍ଣ୍ଣିମା
ମନଲାଖି ବରପାଇଁ ପୂଜିବେ ଚନ୍ଦ୍ରମା(୪)
ଭୋଗ ଡାଲା ରେ ଆସିବ ଶୀତର ପସରା
ବରଷା ପ୍ରକୋପ ପୁଣି ସରିଯିବ ପରା(୫)
ସଜଡା ହେଲାଣି ପରା ମାଆର ମଣ୍ଡପ
ପୃଥିବୀରୁ ଦୂର ହେବ ସବୁତକ ପାପ(୬)
ଶତ୍ରୁ ସଂହାରିବେ ପୁଣି ସାଧୁ ଉଦ୍ଧରିବେ
ତୋର ନାମ ମହିତଳେ ସଦା ଭଜୁଥିବେ(୭)
ଭୁବନପୁର, ବାଲିଅନ୍ତା
