କୋଷାଗୁମୁଡ଼ା ୦୭|୧୦|( ମ ନି ସ ) ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଳକ ଅନ୍ତର୍ଗତ ରାଜୋଡା ପଞ୍ଚାୟତ ର ଚୁରୁଚୁଣ୍ଡା ଗ୍ରାମ ରେ ପାଳିତ ହୁଏ ବାସି ଦଶହରା କିମ୍ବା ‘ଖନ୍ଦାଖାଇ’ ଦଶହରା ବୋଲି ପରିଚିତ I ସମସ୍ତ ଅଞ୍ଚଳ ରେ ବୁଧବାର ଦଶହରା ପର୍ବ କରାଯାଇ ଥିବା ବେଳେ କିନ୍ତୁ ଏହି ଗ୍ରାମରେ ବାସି ଦଶହରା ପର୍ବ ପାଳନ କରାଯାଏ I କାଇଁ କେଉଁ କାଳରୁ ଏହି ପରମ୍ପରା ରେ ପାଳନ କରୁଛନ୍ତି ଗ୍ରାମବାସୀ I
ଦିତୀୟା ଦିନ ରେ ଗ୍ରାମ ମଝି ରେ ଅତଏବ୍ ଗଙ୍ଗା ଦେବୀ ମନ୍ଦିର ନିକଟରେ ଚାରୋଟି ଲାଟି କୁ ବଳି ଦେଇ ସ୍ଥାପନ କରିଥାନ୍ତି l ସେହି ଲାଠି ଗୁଡିକ ବିଭିନ୍ନ ଦେବାଦେବୀଙ୍କ ନାମରେ ସ୍ଥାପିତ କରାଯାଇ ଥାଏ l ଯଥା ମା ମାଉଲି, ଭୈରବୀ, ଠାକୁରାଣୀ ଓ ଚାହୁଁରୀଆ ଦେବାଦେବୀଙ୍କ ନାମ ରେ ଲାଠି ଗୁଡିକ ସ୍ଥାପନ କରିଥାନ୍ତି l ପ୍ରତ୍ୟେକ ଦିନ ସକାଳ ଓ ସନ୍ଧ୍ୟା ରେ ପୂଜାପାଠ କରାଯାଇଥାଏ I ସେହି ଲାଠି କୁ ବlସି ଦଶହରା ଦିନ ଦଶହରା ପଡ଼ିଆ କୁ ନିଆଯାଇଥାଏ ଓ ସେଇଠି ସ୍ଥାପନ କରାଯାଇଥାଏ l ବlସି ଦଶହରା କାହିଁକି ଏହି ଗ୍ରାମରେ ହୁଏ ଗ୍ରାମର ବୟୋଜ୍ୟେଷ୍ଠ ବ୍ୟକ୍ତି ମାନେ ମତପ୍ରକାଶ କରିଛନ୍ତି ଯେ ରାଜା ରାଜୁଡ଼ା ସମୟରେ ଛତ୍ତିଶଗଡ଼ ରାଜ୍ଯ ର ଜଗଦଲପୁର ସହର ର ରାଜା ପ୍ରବିଣ ଚନ୍ଦ୍ର ଭଞ୍ଜଦେଓ ଏହି ଅଞ୍ଚଳର ଜଣେ ବ୍ରାହ୍ମଣ ଝିଅ କୁ ଭଲ ପାଉଥିଲେ l ସେହି ବ୍ରାହ୍ମଣ ଝିଅ କୁ ବିବାହ କରିବା ପାଇଁ ସେ ଉଠାଇ ନେଇ ଯାଉଥିବା ସମୟରେ ଝିଅ ଗ୍ରାମ ର ଗ୍ରାମବାସୀ ରାଜା ଙ୍କୁ ଘଉଡାଇ ଥିଲେ I ରାଜା ଚୁରୁଚୁଣ୍ଡା ଗ୍ରାମ ରେ ପହଞ୍ଚି ଥିଲେ ସେହି ସମୟରେ ଚୁରୁଚୁଣ୍ଡା ଗ୍ରାମ ବାସୀ ରାଜାଙ୍କୁ ଉଦ୍ଧାର କରି ଗୋଟିଏ ସୁରକ୍ଷିତ ସ୍ଥାନରେ ରଖି ଥିଲେ I ସେହି ଦିନ ରେ ରାଜା ପ୍ରତିଶୃତି ଦେଇଥିଲେ ଯେ ପ୍ରତ୍ୟେକ ବର୍ଷ ଜଗଦଲପୁର ଦଶହରା ର ବlସି ଦିନ ଚୁରୁଚୁଣ୍ଡା ଗ୍ରାମ ରେ ଦଶହରା ପର୍ବ ପାଳନ କରାଯିବ I ସେ ମଧ୍ୟ ବଞ୍ଚି ଥିବା ପର୍ଯ୍ୟନ୍ତ ଆସୁଥିଲେ ଓ ଦଶହରା ପର୍ବ ରେ ସାମିଲ ହେଉଥିଲେ ବୋଲି କହିଛନ୍ତି I 
ଅନ୍ୟ ଏକ କାରଣ ହେଉଛି କୋରାପୁଟ ଜିଲା ଜୟପୁର ର ରାଜା ବିକ୍ରମ ଦେବ ଜୟପୁର ଦଶହରା ସାରିବା ପରେ ସେହି ଦଶହରା ର ଲାଠି କୁର୍ସି ସବୁ ଚାଲି ଚାଲି ଏହି ଗ୍ରାମ କୁ ଆସୁଥିଲେ ଓ ଦଶହରା ରେ ସାମିଲ୍ ହେଉଥିଲେ I ସେହି ପରମ୍ପରା କୁ ନେଇ ଆଜି ପର୍ଯ୍ୟନ୍ତ ବଜାୟ ରଖିଛନ୍ତି ଏହି ଗ୍ରାମବାସୀ I ପ୍ରତ୍ୟେକ ବର୍ଷ ବlସି ଦଶହରା ହିଁ ପାଳନ କରାଯାଏ I
ଦଶହରା ଦିନ ଆଖ ପାଖ ଅଞ୍ଚଳର ତଥା ଖୁଟିଗୁଡା, ପଣ୍ଡୁଗୁଡା, ଜାବାଗୁଡା,ଆମ୍ବlଗୁଡ଼ା,ଗାଦବାଗୁଡା, ରାଜୋଡା,ଗ୍ରାମର ଲାଠି, କୁର୍ସି, ପୂଜାରୀ, ଶିରା, ସମସ୍ତେ ଗଙ୍ଗା ଦେବୀ ମନ୍ଦିର ନିକଟରେ ଏକାଠି ହୋଇ ଥାନ୍ତି ଓ ଶଙ୍ଖ, ବାଜା ବଜାଇ ଗାଁ ପରିକ୍ରମା କରି ସମସ୍ତେ ଦଶହରା ପଡିଆ କୁ ନିଆଯାଇ ଥାଏ l ଦଶହରା ପଡିଆ ରେ ପୁଜାରୀ ମାନେ ଏକ ପ୍ରତିଯୋଗିତା କରିଥାନ୍ତି ଯେ ଲାଠି ର ଅଗ୍ର ଭାଗ ରେ କିଛି ଟଙ୍କା କୁ ନୂଆ କପଡ଼l ରେ ବାନ୍ଧି ଥାନ୍ତି ଓ ଲାଠିକୁ ଠିଆ କରିଥାନ୍ତି, ସେହି ଲାଠି ରେ ବାନ୍ଧି ଥିବା ଟଙ୍କା କୁ ଯେଉଁ ମାନେ ଟେକାମାରି ପିଠାଇବେ ସେହି ବ୍ୟକ୍ତିଙ୍କୁ ପୁଜାରୀ ମାନେ ପୁରସ୍କୃତ କରିଥାନ୍ତି l ଏହି ଭଳି ଭାବରେ ପାଳନ ହୁଏ ବlସି ଦଶହରା I ଦଶହରା ରାତିରେ ଲୋକମାନଙ୍କ ମନୋରଞ୍ଜନ ପାଇଁ ଦୁଇଟି ଦେଶୀୟl ନାଟକ ପରିବେଷଣ କରାଯାଇଥିଲା l ଶୁକ୍ରବାର ମା ଦୁର୍ଗାଙ୍କ ମୂର୍ତ୍ତି ଭଷାଣି କାର୍ଯ୍ୟକ୍ରମ ରହିଛି I
କୋଷାଗୁମୁଡ଼ା ରୁ ମହେନ୍ଦ୍ର ବିଶୋଇ ଙ୍କ ରିପୋର୍ଟ
