ମାଟି ମଟାଳର ମଣିଷ
ସଳିଳ -ଅନଳ – ଅନିଳ ସହିତେ
ମିଶି ଅଚଳା – ଆକାଶ
ଏଇ ପଞ୍ଚଭୁତେ ଗଢା଼ ହୋଇଥାଏ
ମାଟି ମଟାଳ ମଣିଷ |(୧)
ସତ୍ୟ-ଧର୍ମ-ପ୍ରେମ ଦୟା- କ୍ଷମା- ଧର୍ମ
ଏତେ ଥିଲେ ନର ଶ୍ରେଷ୍ଠ
ଷଡ଼ରୁପୁ ଯେବେ ତା ମନରେ ପଶେ
ସୁଗୁଣକୁ କରେ ନଷ୍ଟ |(୨)
ଯଶ-ଅପଯଶ ଲଭଇ ମଣିଷ
ମାଟି- ମଟାଳ ତା’ ବକ୍ଷ
କୁମ୍ଭାର-କୃଷକ କିରାଣୀ-ଶିକ୍ଷକ
ଶ୍ରମରେ ହୁଅଇ ଦକ୍ଷ |(୩)
ମାଟି ଜାତ ହୋଇ ଆକାଶ ଛୁଅଁଇ
କରମ ବଳରେ ନର
ସୁବୁଦ୍ଧି-ବିବେକ ହୋଇଲେ ଉଦ୍ରେକ
ଜିତଇ ସାର ସଂସାର |(୪)
ମାଟିରେ ଜନମୀ ମାଟିଜାତ ଭୁଞ୍ଜି
ମାଟିରେ କରଇ ବାସ
ମାଟି- ମଟାଳର ଶରୀରେ ମଣିଷ
ମାଟିରେ ହୁଅଇ ଶେଷ |(୫)
ଶ୍ରୀମତୀ ପ୍ରିୟଦର୍ଶିନୀ ମିଶ୍ର
ଜୁନାଗଡ଼ (କଳାହାଣ୍ଡି)
ଜନ୍ମଭୂମି :- ମଣ୍ଡଳ(ବଲାଙ୍ଗୀର)
