ଖଦ୍ୟୋତିକା
ପଶୁପକ୍ଷୀ
ଧନ ସମ୍ପତି କି ବିନା ଅର୍ଥରେବି
ଆମେତ ଯାଉଛୁ ବଞ୍ଚି !
କାଳ ଅପଚୟ କରି ହେ ମଣିଷ
ଧନ ପଛେ ଧାଅଁ ସଞ୍ଚି !!
ଶିଶୁ
ସମସ୍ତଙ୍କୁ ଯଦି ମୋର ହସ, କଥା,
ଲାଗିଥାଏ ଏତେ ମିଠା !
ତୁମରି ହସରେ ତୁମରି କଥାରେ
ତେବେ ଏକି କପଟତା !!
ସମୁଦ୍ର
ମୁଁ ଧନ ଭଣ୍ଡାର, ତୁମ କେତେ ଧନ ?
ସୁଖେ ନାଚେ ରାତି ଦିନ !
ଅଳପ ଧନରେ ମନରେ ତୁମର
ଏକି ଗର୍ବ ଅଭିମାନ !!
ଋତୁ
ସମୟ ସହିତ ମୁଁ ବଦଳୁ ଅଛି
ନୁହଁଇ ମୁହିଁତ ସ୍ଥାୟୀ !
ମୋହରି ପରିକା ଦୁଃଖ ଆଉ ସୁଖ
ଅଟନ୍ତି ତ କ୍ଷଣସ୍ଥାୟୀ !!
ମଶାଣି
ଧନୀ ଜ୍ଞାନୀ ସର୍ବ କରି ମୁହିଁ ଖର୍ବ
ତଥାପି କେତେ ମୁଁ ଶାନ୍ତ !
ତୁଚ୍ଛାଟାରେ ନର କରି ରେ ରେ କାର
କରୁଥାଏ ଅଟ୍ଟହାସ୍ୟ !!
ଭ୍ରମର ବାଗ
କୋଦୋବେଡା, ସିନାପାଲି, ନୂଆପଡା
