ଜୀବନ
ଜୀବନ ଯୁଦ୍ଧରେ ବିଜୟ କରିବ
ହିଂସା କ୍ରୋଧ ଦୂର କର
ଅସହ୍ୟ ଯନ୍ତ୍ରଣା ବାରମ୍ବାର ଆସି
ଉଭା ହେବ ସମ୍ମୁଖର
ଧର୍ଯ୍ୟ ବନ୍ଧ ବାନ୍ଧି ଚାଲିବାକୁ ହେବ
ସାହାସ ଅଟଇ ମନ
କାଳରାତ୍ରୀ ପରେ ପ୍ରଭାତ ହୋଇବ
ଅପେକ୍ଷା ରତ ଜୀବନ
କୁଟୀର ଖଣ୍ଡିକ ସଜାଡ଼ିବା ପାଇଁ
କୁଟା ନଡ଼ା ହୁଏ ଲୋଡା
ଦୁଆର କିଳିଣି ବାଉଁଶ ହୁଅଇ
କବାଟ ତାଟି ବରଡା
ସଂସାର ଖଣ୍ଡିକ ସଜାଡ଼ିବା ଲାଗି
ମମତା ଓ ସ୍ନେହ ପ୍ରେମ
ଚିନ୍ତା ଚେତନାକୁ ସଜାଡ଼ିବା ପାଇଁ
ଲୋଡା ହୁଏ ଗୁରୁ ନାମ
ପରିବେଶ ଆମ ସଜାଡ଼ି ହୁଅଇ
ଥିଲେ ପରିବାର ଶିକ୍ଷା
ଜୀବନର ଝଡ଼ ଏକତା ବଳରେ
ବିପଦରୁ କରେ ରକ୍ଷା
ସଙ୍କଟ ପଡ଼ିଲେ ଦୁଃସହ ଜୀବନେ
ମାଆର ମମତା ଲୋଡା
ପିତା ମାତାଙ୍କର ଆଶୀର୍ବାଦ ଥିଲେ
ଜୀବନ ହୁଅଇ ଗଢା
ଗୁରୁଜନ ସେବା କରୁଥିଲେ ନିତି
ମିଳେ ମୁକତି ଆଶିଷ
ଆସିଥିଲେ ଏକା ଫେରିଯିବା ଏକା
ଜୀବନ ଯୁଦ୍ଧରେ ଶେଷ
ଏହାର ନାମ ଜୀବନ
ସବୁ ମିଥ୍ୟା ଏକା ରାମ ନାମ ସତ୍ୟ
ଥରଟେ ସ୍ମରରେ ମନ
ଜୀବନ ହୋଇବ ଧନ୍ୟ
ଜୀବନ ହୋଇବ ଧନ୍ୟ
ବିଳାସିନୀ ପୃଷ୍ଟି
ଭୁବନ, ଢ଼େଙ୍କାନାଳ
