।। ମୁଁ ମଣିଷ ।।
କୈଳାସ ଚ଼ନ୍ଦ୍ର ପାଢ଼ୀ
ମୁଁ ମଣିଷ !
ମୋ ସ୍ବାର୍ଥକୁ ଚାହିଁ
କ୍ରିୟା-ପ୍ରତିକ୍ରିୟା
କରୁଥାଏ ମୁହିଁ ପ୍ରକାଶ ।।
ମୁଁ ମଣିଷ !
ସକଳ ଜୀବର ଜୀବେଶ
କେବେ ସୃଜିପାରେ
ଇନ୍ଦ୍ରଧନୁ ମୁଁ
କେବେ ସୃଜେ ଝଡ଼ ବତାସ।।
ମୁଁ ମଣିଷ !
କେବେ ଦ୍ରାଘିମାର
ରେଖା ବିନ୍ଦୁ ଟାଣେ
କେବେ ସାଜି ଥାଏ ଅକ୍ଷାଂଶ
ବାକ୍ୟରେ କେବେ
ପୂର୍ଣ୍ଣତା ଆଣେ
କେବେରଖିପାରେ ବାକ୍ୟାଂଶ।।
ମୁଁ ମଣିଷ !
ଆଶା ଆକାଙ୍କ୍ଷାର ବିଶ୍ବାସ
(ପୁଣି)ନିରାଶା ମରୂରେ ଆଶ୍ବାସ
ମୁଁ ଜୀବନ୍ମୃତ ପ୍ରାଣ ନିଶ୍ବାସ
(ପୁଣି)ଭରସା ବିହୀନ ପ୍ରଶ୍ବାସ।।
ମୁଁ ମଣିଷ ! ………………………. ଅମୃତ ଭରା କଳସ
କେବେ ପୁଣି ହା..ହୂତାସ
ଜଳି ଯାଇପାରେ
ଜାଳି ଦେଇପାରେ
କେବେସାଜେ ରୂଦ୍ରତାପସ।।
କୁମାର ପୁର।ଅନନ୍ତ ପୁର
ବାସୁଦେବପୁର।ଭଦ୍ରକ
