ନିଆଁ 

ଦୁଃଖର ନିଆଁ ଜାଳିଦିଏ ହୃଦୟେ 

କାମନାର ମୋହ ପାଇଁ

ଯଉବନ ବୃକ୍ଷ ଛାଇ ଦିଏ ନାହିଁ

ଉଇକୀଟ ଗଲେ ଖାଇ l

ବୃଦ୍ଧ ପକ୍ଷୀ ସାହାରା ଖୋଜେ

ପକ୍ଷୀ ପୁତ୍ର ଆଶ୍ରା ପାଇଁ

ଉନ୍ମାଦନା ଗ୍ରୀଷ୍ମ ଜାଳି ଦିଏ ସବୁ

ଘାସପତ୍ର,ଲତା ,ଭୂଇଁ l

ଧୋକାବାଜ ପ୍ରେମ ମନେ କଷ୍ଟ ଦିଏ 

ଆଜିର ଯୁବକ ଯୁବତୀ ପାଇଁ

ନଈ ବଢ଼ି ଜଳ ସୀମା ଲଂଘିଯାଏ 

ବାଟବଣା ପଥ ହୋଇ l

ପାଠପଢା ପିଲା ପାଠ ଭୁଲି ଯାଏ

ଅମାନିଆ ମନ ହୋଇ

ଘର କାମ ଧାମ ସବୁ ଭୁଲି ଯାଏ

ଅନୈତିକ ପ୍ରୀତି ପାଇଁ l

ଏଂଥୁଡିଶାଳରେ ମାଆ ଶେକା ନିଆଁ

ଛୁଆକୁ ଦିଏ ବଳ,ଶକତି

ଅନ୍ତିମ ସମୟେ ମଶାଣିର ନିଆଁ

ପ୍ରାପ୍ତି ହୁଏ ଶେଷ ମୁକତି l

ଯଉବନ ବେଳାରେ ବିବାହ ନିଆଁ

ଦୁଇ ଆତ୍ମା ଯାଏ ମିଶି 

ଚୋରା ପୀରତି,ପ୍ରେମର ନିଆଁ

ଚିତ୍ତ, ମନ କଷ୍ଟ ବେଶୀ l

           

            ଜଗଜ୍ଜୀବନ ସା

              କୁମ୍ଭାରୀ,ଗୋଲାମୁଣ୍ଡା

              କଳାହାଣ୍ଡି (ଓଡିଶା )