ଦୀପାବଳୀ

          ରାଗ-ଚୋଖି 

     ଚନ୍ଦ୍ରକଳା ଦେବୀ

ଧରାରୁ ଗଲା ଶରତ ହେମନ୍ତ ହେଲା ପ୍ରବେଶ

ଆସଇଯେ ମହାପୂଣ୍ୟ କାର୍ତ୍ତିକ ମାସ

ପାହାନ୍ତରୁ ସ୍ନାନ ସାରି ମନ୍ଦିରେ ଗମନ୍ତି ପୁଣି

ଭଗବାନଙ୍କ ଉପରେ ରଖି ବିଶ୍ୱାସ

ଆନନ୍ଦେ କରନ୍ତି ପୂଜନ,

କାର୍ତ୍ତିକ ମାସର ପ୍ରତିଦିନ ପାବନ ||

ଆଜି ଶୁଭ ଦୀପାବଳୀ ଧରା ପଡୁଛି ଉଛୁଳି

ଘରେ ଘରେ ପିଠାପଣା ଜଳେ ଦୀପାଳି

ଭୂମିଠାରୁ ଭୂମାଯାଏଁ ଆନନ୍ଦେ ମଗନ ହୁଏ 

ପୂର୍ବ ପୁରୁଷଙ୍କୁ ଡାକନ୍ତି ଦୀପ ଜାଳି

ଅମାରେ ଆସନ୍ତି ସେମାନେ,

ଆଲୋକ ଦେଖିଣ ଯା’ନ୍ତି ସରଗ ଧାମେ ||

ରାମଚନ୍ଦ୍ର ବନବାସ ଏହି ଦିନ ହେଲା ଅନ୍ତ

ପ୍ରତ୍ୟାବର୍ତ୍ତନ କରିଲେ ପ୍ରଭୁ ଶ୍ରୀରାମ

ସଙ୍ଗତେ ସୀତା ଲକ୍ଷ୍ମଣ ହୋଇ ଆନନ୍ଦିତ ମନ

ଅଯୋଧ୍ୟାର ଅଭିମୁଖେ କଲ ଗମନ

ଆନନ୍ଦିତ ଅଯୋଧ୍ୟା ବାସୀ,

ପ୍ରଦୀପ ଜଳାଇକଲେ ତାହାଙ୍କୁ ଖୁସି ||

ମାଆ କାଳୀଙ୍କର ପୂଜା ମଣ୍ଡପେ ହୁଅନ୍ତି ସଜ୍ଜା

ଗଳାରେଯେ ମୁଣ୍ଡମାଳ ହସ୍ତେ ତ୍ରିଶୂଳ

ଲହଲହ ଜିହ୍ୱା ମାଲୋ ଉଗ୍ରମୂର୍ତ୍ତି ଭୟଙ୍କର

ନାନା ବା6ଦ୍ୟ ପ୍ରକମ୍ପିତ ମହୀ ମଣ୍ଡଳ

ଅସୁରୀୟ ଭାବର ନାଶ,

ମାଆଙ୍କର ଆବିର୍ଭାବେ ଧରା ଉଶ୍ୱାସ ||

    ବନ୍ଧୁଗାଁ,କୋରାପୁଟ