କୋକସରା,୧୯/୮- ( ମ ନି ସ) କଳାହାଣ୍ଡି ଓ ନବରଙ୍ଗପୁର ସୀମାନ୍ତ ଆମପାଣି ଘାଟିର ଖଡକା ନିକଟରେ ଶୁକ୍ରବାର ସକାଳୁ ଏକ ସରକାରୀ ଯାତ୍ରୀବାହୀ ବସ ଓ ବିପରୀତ ଦିଗରୁ ଆସୁଥିବା ଟ୍ରକ ମଧ୍ୟରେ ଧକ୍କା ହୋଇଥିବା ବେଳେ ଧକ୍କା ଏତେ ତୀବ୍ର ଥିଲା ଯେ ବସ ଓ ଟ୍ରକ ର ଆଗପଟ ସମ୍ପୂର୍ଣ୍ଣ ଭାବେ ଚୁରମାର ହୋଇଯାଇଛି। ଦୁଇ ଗାଡିର ଡ୍ରାଇଭର ସମେତ ବସ ର ଜଣେ ମହିଳା ଯାତ୍ରୀ ସମେତ ଅନ୍ୟ ଦୁଇ ଜଣ ଆହତ ହୋଇଥିବା ବେଳେ ଘଟଣା ସମ୍ପର୍କରେ ଖବର ପାଇ ଆମପାଣି ପୁଲିସ ଘଟଣାସ୍ଥଳରେ ପହଞ୍ଚି ତୁରନ୍ତ କୋକସରା ଓ ଧର୍ମଗଡ ଅଗ୍ନିଶମ କର୍ମଚାରୀ ଙ୍କୁ ଡକାଇ ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରିଥିଲେ।ଦୁର୍ଘଟଣା ହୋଇଥିବା ସୀମା ନବରଙ୍ଗପୁର ଜିଲ୍ଲା ର ହୋଇଥିବା କାରଣରୁ ମୈଦଳପୁର ପୁଲିସକୁ ଖବର ଦେବାପରେ ମୈଦଳପୁର ଓ ପାପଡାହାଣ୍ଡି ପୁଲିସ ସମେତ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ କରିଛନ୍ତି। ଜୟପୁର ରୁ ଭବାନୀପାଟଣା ଯାଉଥିବା ସରକାରୀ ବସ ଓଡ଼ି.୦୮.ଜି ୭୦୫୩ ଓ ଟ୍ରକ ନମ୍ବର ଟି.ଏସ ୦୬ ୟୁସି ୩୫୮୯ ମଧ୍ୟରେ ଦୁର୍ଘଟଣା ପରେ ଜାତୀୟ ରାଜପଥ ୨୬ ରେ ପ୍ରାୟ ୩ ଘଣ୍ଟା ଧରି ଉଭୟ ପଟୁ ଯାତାୟାତ ପ୍ରଭାବିତ ହୋଇଥିଲା । ପରେ ଦୁର୍ଘଟଣା ଗ୍ରସ୍ତ ବସକୁ ରାସ୍ତାରୁ ହଟାଇବା ପରେ ଗାଡି ଚଳାଚଳ ସ୍ୱାଭାବିକ ହୋଇଥିଲା। ଦୁର୍ଘଟଣାରେ ଗୁରୁତର ଡ୍ରାଇଭର ଓ ଯାତ୍ରୀଙ୍କୁ ପାପଡାହାଣ୍ଡି ଡାକ୍ତରଖାନାକୁ ସ୍ଥାନାନ୍ତର ପରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ଜିଲ୍ଲା ମୁଖ୍ୟ ଚିକିତ୍ସାଳୟ ନବରଙ୍ଗପୁର କୁ ସ୍ଥାନାନ୍ତର କରାଯାଇଛି। ଦୁର୍ଘଟଣା କାରଣ ଜଣାପଡ଼ିନାହିଁ | ମୈଦଳପୁର ପୁଲିସ ଏ ନେଇ ତଦନ୍ତ ଜାରି ରଖିଥିବା ସୂଚନା ମିଲିଛି।