ଢେଙ୍କାନାଳ,(ମ ନି ସ)29/10/ ବାଲ୍ୟବିବାହ ନିବାରଣ ଓ ମହିଳା ହିଂସା ବିରୋଧରେ ସଚେତନତା କରିବା ପାଇଁ ଜିଲ୍ଲାରେ ରଥ ପରିକ୍ରମା ଆରମ୍ଭ ହୋଇଛି । ଢେଙ୍କାନାଳ ଜିଲ୍ଲାପାଳ ସରୋଜ କୁମାର ସେଠୀ ସବୁଜ ପତାକା ଦେଖାଇ ଏହାକୁ ଉଦ୍ଘାଟନ କରିଥିଲେ । ବାଲ୍ୟବିବାହ ଆଇନତଃ ଏକ ଦଣ୍ଡନୀୟ ଅପରାଧ । ବାଲ୍ୟ ବିବାହ ଓ ମହିଳାମାନଙ୍କ ଉପରେ ହେଉଥିବା ହିଂସା ସମାଜ ପାଇଁ ବ୍ୟାଧି ବା କଳଙ୍କ । ଏହା ଜିଲ୍ଲାରୁ ସମ୍ପୂର୍ଣ୍ଣ ଭାବରେ ଦୂର କରିବା ପାଇଁ ରୀତିମତ ଜନସଚେତନତାର ଆବଶ୍ୟକତା ରହିଛି । ବାଲ୍ୟବିବାହ, ଶିଶୁ ଶ୍ରମିକ, କନ୍ୟାଭ୍ରୁଣ ହତ୍ୟା, ଶିଶୁ ନିର୍ଯାତନା ଓ ମହିଳା ହିଂସା ପରି କୁପ୍ରଥାକୁ ସମ୍ପୂର୍ଣ୍ଣ ରୂପେ ବିଲୋପ କରିବା ପାଇଁ ଲାଗି ଜିଲ୍ଲା ପ୍ରଶାସନ ଦ୍ୱାରା ବାଲ୍ୟ ବିବାହ ନିବାରଣ ଓ ମହିଳା ହିଂସା ବିରୋଧି ସଚେତନତା ରଥ ପରିକ୍ରମା କରିଛି । ଏହି ରଥ ଜିଲ୍ଲାର ସମସ୍ତ ୮ଟି ବ୍ଲକ୍ ଯାଇ ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି କରାଇବ ବୋଲି କୁହାଯାଇଛି । ରଥ ଉଦ୍ଘାଟନୀ ସମୟରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ (ରାଜସ୍ୱ) ଉଦୟ କୁମାର ମହାପାତ୍ର, ଅତିରିକ୍ତ ଜିଲ୍ଲାପାଳ (ସାଧାରଣ) ରମେଶ ଚନ୍ଦ୍ର ସେଠୀଙ୍କ ସମେତ ବହୁ ଅଧିକାରୀ ଓ କର୍ମଚାରୀ ଯୋଗଦାନ କରିଥିଲେ ।
ଢେଙ୍କାନାଳରୁ ନାୟକ ଅକ୍ଷୟ ରାଜହସ୍ତୀ ଙ୍କ ସହ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ
