ମ.ରାମପୁର,୦୧/୧୧(ମସୀହା): ସ୍ଥାନୀୟ ମହାଶକ୍ତି ଫାଉଣ୍ଡେସନ ତରଫରୁ କେନ୍ଦ୍ର ସରକାର ଓ ନାବାର୍ଡ ସହାୟତା ରେ ମ. ରାମପୁର ଓ ନର୍ଲା ବ୍ଲକ୍ ର ୪୭ ଜଣ ସଫଳ ଚାଷୀ ଙ୍କୁ ନେଇ ମହାଶକ୍ତି ଫାଉଣ୍ଡେସନ ର ସଭା ଗୃହ ରେ କୃଷକ ଉତ୍ପାଦକ କମ୍ପାନୀ ଗଠନ ସମ୍ପର୍କିତ ଏକ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। 
ମହାଶକ୍ତି ଫାଉଣ୍ଡେସନ ର ପ୍ରତିଷ୍ଠାତା ସଦସ୍ୟ ତଥା କୋଷାଧ୍ୟକ୍ଷ ପ୍ରକାଶ ଚନ୍ଦ୍ର ସାହୁ ପ୍ରଥମେ ଉପସ୍ଥିତ ଚାଷୀ ମାନଙ୍କୁ ସ୍ଵାଗତ ଜଣାଇ କର୍ମଶାଳା ର ଉଦ୍ଧେଶ୍ୟ ସଂପର୍କରେ ସୂଚନା ପ୍ରଦାନ କରିଥଲେ l ଶ୍ରୀକାନ୍ତ ହୋତା କୃଷକ ଉତ୍ପାଦକ କମ୍ପାନୀ ( FPO) ଗଠନ ର ଆବଶ୍ୟକତା ବିଷୟ ରେ ସୂଚନା ଦେଇଥିଲେ। ମହାଶକ୍ତି ଫାଉଣ୍ଡେସନ ର କାର୍ଯ୍ୟକ୍ରମ ପରିଚାଳକ ହୃଷୀକେଶ ସାହୁ FPO ର କାର୍ଯ୍ୟକାରିତା ଓ ଗଠନ ପ୍ରଣାଳୀ ଉପରେ ପୁଙ୍ଖାନୁ ପୁଙ୍ଖ ଭାବେ ବିଭିନ୍ନ ଉଦାହରଣ ଓ ଭିଡ଼ିଓ ମାଧ୍ୟମ ରେ ଅବଗତ କରିଥିଲେ। ଉପସ୍ଥିତ ପ୍ରତ୍ୟେକ ଚାଷୀ ଆଲୋଚନା ଚକ୍ର ରେ ସକ୍ରିୟ ଅଂଶଗ୍ରହଣ କରିଥିଲେ। 
ମ.ରାମପୁର ଓ ନର୍ଲା ବ୍ଲକ ପାଇଁ ୨ ଗୋଟି କୃଷକ ଉତ୍ପାଦକ କମ୍ପାନୀ ଗଠନ କରାଯିବା ପାଇଁ ସ୍ଥିରୀକୃତ ହେଇଥିଲା। ମ. ରାମପୁର ବ୍ଲକ ର ଉଦ୍ୟାନ କୃଷି ବିଭାଗ ର ଶିଶିର ସାହୁ ଓ ଅବସର ପ୍ରାପ୍ତ କୃଷି ଅଧିକାରୀ ବୃନ୍ଦାବନ ନାଗ କୃଷି ଓ କୃଷକ ର ବିକାଶ ପାଇଁ ସରକାରୀ ଯୋଜନା ଓ FPO ର ଆବଶ୍ୟକତା ବିଷୟ ରେ ସୂଚନା ଦେଇଥିଲେ। ଶେଷରେ କୋଷାଧ୍ୟକ୍ଷ ଶ୍ରୀ ସାହୁ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଦେଇଥିବା ବେଳେ ଅନୁଷ୍ଠାନ ର ଦେବେନ୍ଦ୍ର ମିଶ୍ର, ଜ୍ୟୋତିଷ ନାୟକ, ନମିତା ପୁଝାରୀ ,ବଂଶୀଧର ରଣା ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।
ମ ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ l
