ଭବାନୀପାଟଣା ଠାରେ ଓସ୍ୱାନ ହଲ୍ ରେ ସାଧୁତା ର ଶପଥ ପାଠ
ଭବାନୀପାଟଣା: ମ ନି ସ/ ତା ୩୧.୧୦.୨୦୨୨: / ଦୁର୍ନୀତି ନିବାରଣ ସପ୍ତାହ ୨୦୨୨ ପାଳନ ଅବସରରେ ଆଜି ଲୋକସେବା ଭବନ ରେ ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମରେ ରାଜ୍ୟରେ ସମସ୍ତ ଓସ୍ୱାନ ହଲ୍ ରେ ସମବେତ ଅଧିକାରୀଙ୍କୁ ସାଧୁତା ର ଶପଥ ପାଠ କରାଇଛନ୍ତି।
ଏହି ଅବସରରେ ସ୍ଥାନୀୟ ଓସ୍ୱାନ ହଲ ଠାରେ ଅତିରିକ୍ତ ଜିଲ୍ଲାପାଳ ଶ୍ରୀ ଶରତ ଚନ୍ଦ୍ର ଶ୍ରୀଚନ୍ଦନ ଙ୍କ ନେତୃତ୍ୱରେ ଜିଲ୍ଲା ସ୍ତରୀୟ ଅଧିକାରୀ,ଜିଲ୍ଲାପାଳଙ୍କ କାର୍ଯ୍ୟାଳୟ ଅଧିକାରୀ, ଭିଜିଲାନ୍ସ ଅଫିସ ର କର୍ମଚାରୀଙ୍କ ଗ୍ରହଣରେ ସାଧୂତାର ଶପଥ ପାଠ ଅନୁଷ୍ଠିତ ହୋଇଥିଲା।ଜୀବନର ପ୍ରତ୍ୟେକ କ୍ଷେତ୍ରରେ ସଚ୍ଚୋଟତା,ସାଧୁତା ବଜାୟ ରଖିବା ତଥା ଦୁର୍ନୀତିମୁକ୍ତ ସମାଜ ଗଠନ ରେ ନିଜର ଭୂମିକାକୁ ସୁନି ଶ୍ଚିତ କରିବା ଦିଗରେ ସମସ୍ତେ ଶପଥ ପାଠ କରିଥିଲେ । 
୫ଟି ଓ ମୋ ସରକାର କୁ ପାଥେୟ କରି ପ୍ରଶାସନିକ ସ୍ତରରୁ ସମସ୍ତଙ୍କୁ ଉନ୍ନତ ମାନର ସେବା ଯୋଗାଇବାକୁ ପ୍ରତିଶ୍ରୁତିବଦ୍ଧ ହେଲେ। ଜିଲ୍ଲାସ୍ତରୀୟ ଦୁର୍ନୀତି ନିବାରଣ ସପ୍ତାହ ପାଳନ ଅବସରରେ ଆସନ୍ତା ୪ ତାରିଖ ଦିନ ସକାଳ ୯.୦୦ ଘ୍ ସମୟରେ ସହରରେ ସଚେତନତା ଶୋଭାଯାତ୍ରା,ଦିବା ୧୦.୩୦ ମିନିଟ ସମୟରେ ସ୍ଥାନୀୟ ସଦଭାବନା ଗୃହରେ ସଭା , ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହେବ।
