ରାଉରକେଲା/ସ୍ବେଚ୍ଛାସେବୀ ସଂଗଠନ “ଲାଲ” ପକ୍ଷରୁ କେନ୍ଦ୍ରୀୟ ଯୋଜନା ଅଧୀନରେ ଥିବା ମହିଳା କୃଷକ ମାନଙ୍କୁ ନେଇ ଲାଠିକଟାରେ କୃଷକ ଉତ୍ପାଦକ ସଂଗଠନ ଗଠନ ର ପଞ୍ଜିକରଣ କାର୍ଯ୍ୟ ବ୍ଲକ ସମ୍ମିଳନୀ କକ୍ଷରେ ପଞ୍ଜିକରଣ କାର୍ଯ୍ୟ ଶେଷ ହୋଇଯାଇଛି l ଲାଠିକଟା ପଞ୍ଚାୟତ ସମିତି ଅଧୀନରେ ଥିବା ଜଲଦା, ହାତିବନ୍ଧା, ସିଉଡ଼ିହି, ଲାଠିକଟା ଓ ବଲାଣି ପରି ୫ ଟି ଗ୍ରାମ ପଞ୍ଚାୟତ ରେ ୧୦ ଜଣ ମହିଳା ନିର୍ଦ୍ଦେଶିକା ସମ୍ପୃକ୍ତ ଅଞ୍ଚଳର ମହିଳା ଚାଷୀ ମାନଙ୍କ ଦ୍ୱାରା ମନୋନୀତ କରାଯାଇଥିଲା l ମନୋନୀତ ନିର୍ଦ୍ଦେଶିକା ହେଲେ ସସ୍ମିତା ସିଂ, ମନ୍ଦାକିନୀ ମାହତୋ, ବିନିତା ଭୂମିଜ. ଜୋହାନି ସୂରିନ, କୌଶଲ୍ୟା ସିଂ ପ୍ରତିମା ରାଉତ, ସଂଚିତ ପୂରଣ, ମଞ୍ଜରୀ ରଣା ଓ ପଦ୍ମିନା ଅମାତ ପ୍ରମୁଖଙ୍କୁ କମ୍ପାନୀ ପଞ୍ଜିକରଣ ଆଇନ ଅନୁସାରେ ପଞ୍ଜିକୃତ କରାଯାଇ ଅଛି l 
ଏହି ଅବସରରେ ଲାଠିକଟା ବିଡ଼ିଓ ଶ୍ରୀମତୀ ମନସ୍ମିତା ଦାସ, ଅତିଥି ଭାବରେ ଯୋଗଦେଇଥିବା ବେଳେ ଜିଲ୍ଲା ସଂଯୋଜକ ଅରୁଣ କୁମାର ପରିଡା, କମ୍ପାନୀ ସେକ୍ରେଟାରୀ ସୁନୀଲ ସୋଭେନ ସାମନ୍ତରାୟ, ଓ ଅନୁଷ୍ଠାନର କୋଷାଧକ୍ଷ ଶୁଦ୍ଧିରଞ୍ଜନ ବାରିକ ଓ ବ୍ଳକ ସଂଯୋଜକ ମୋନାଲିସା ପରିଡା ପ୍ରମୁଖ ପଞ୍ଜିକରଣ କାର୍ଯ୍ୟରେ ସମ୍ପୂର୍ଣ୍ଣ ସହଯୋଗ କରିଥିଲେ l ପ୍ରାରମ୍ଭରେ ନିର୍ଦ୍ଦେଶିକା ମାନଙ୍କର ଭୂମିକା ଓ କାର୍ଯ୍ୟ ଦକ୍ଷତା ସମ୍ୱନ୍ଧରେ ଆଲୋଚନ କରାଯାଇଥିଲା l ଆଗାମୀ ଦିନରେ କୃଷକ ଉତ୍ପାଦକ ସଂଗଠନ ଜରିଆରେ ମହିଳା କୃଷକ ମାନଙ୍କ ସାମାଜିକ, ବୈଷୟିକ ଓ ଅର୍ଥନୈତିକ କ୍ଷେତ୍ରରେ ବିକାଶ ଘଟାଇ ପାରିବ ବୋଲି ଏହି କାର୍ଯ୍ୟକ୍ରମରେ ମତପ୍ରକାଶ ପାଇଥିଲା l ଏହିଭଳି କୁତ୍ରା ବ୍ଲକ ଓ କୁଆଁରମୁଣ୍ଡା ବ୍ଲକ ରେ ୨ଟି ମହିଳା କୃଷକ ଉତ୍ପାଦନ ସଂଗଠନ ଓ ପଞ୍ଜିକରଣ କାର୍ଯ୍ୟକ୍ରମ ଶେଷ ହୋଇଯାଇଛି l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
