ଜୀବନର ଅଙ୍କ
ଉପେନ୍ଦ୍ର କୁମାର ବସ୍ତିଆ
ଜୀବନଟା ଏକ ଅଛିଣ୍ଡା ଅଙ୍କ
କେବେ ହରଣ ଗୁଣନ
କେବେ ଚାଲିଥାଏ ପଣିକିଆ ପରି
କେବେ ମିଶାଣ ଫେଡାଣ।
ଜୀବନର ବୋଝ ବୋହିବାକୁ ହୁଏ
ହସ ଆଉ କାନ୍ଦ ସାଥେ
କେତେ ଖାଲ ଢିପ ଗଡାଣି ଉଠାଣି
ଜୀବନର ଚଲାପଥେ।
ଭରସାର ଭାରା ଦେଇ ଏ ଜୀବନ
ମରଣ ସାଗର ମୁଂହା
ଏ କୂଳେ ଆଶାର ସେ କୂଳେ ଫସଲ
ନିରାଶା କୁହୁଡି ଧୁଆଁ ।
ଜୀବନଟା ଲାଗେ ପାହାଡ ପରିକା
ଝଡ ଝଂଜା ସହୁଥାଏ
ଜୀବନର ଏଇ ଅଙ୍କ ଗଣୁ ଗଣୁ
ହୃଦୟ ପଥର ହୁଏ ।
ଜୀବନ ମଧୁର ଯୋଛନା ରାତିରେ
ନିଛାଟିଆ ଏଇ ବନ
କେତେ ଅପାସୋରା ଚୁପି ଚୁପି କଥା
କହି ପାରେ ନାହିଁ ମନ ।
ରାଉରକେଲା