ଜଣାଣ
ମାନଗୋବିନ୍ଦ ସ୍ବାଇଁ
ପ୍ରଭୁ ନାମ ଧରି ଯାଉଛି ମୁ ପୁରୀ
ପଥରେ ନାମକୁ ଜପି
ଗାଉଥିବା ତାହା ଭଜନ ସଂଗୀତ
ପବିତ୍ର ଦେହ ସଂପତି।
ପହଞ୍ଚି ତା ଦାଣ୍ଡେ ମୁଣ୍ଡିଆ ମାରିଲି
ଚାହିଁ ଦେଲି ନାଲି ବାନା
ଫର ଫର ବାନା ପବନେ ଉଡୁଛି
ଡାକେ ଆସ ଭକ୍ତ ସିନା।
ଚାଲି ଚାଲି ଭକ୍ତ ଜନ ବନ୍ଧୁ ଗଣ
ତା ପବିତ୍ର ନାମ ଧରି
ଗରୁଡ଼ ସ୍ତମ୍ଭରୁ ଦର୍ଶନ କରନ୍ତି
ଦୁଃଖ ଦୂର କର ପାରି।
ଧୂପ ଦୀପ ଦେଇ ତା ପାଦୁକା ପାଇ
ଧନ୍ୟ ଧନ୍ୟ ମୁହିଁ ହେଲି
ହରିରାମ ଶବ୍ଦ ଯେତେ ଦୂର ଯିବ
ଦୂର ଯିବ ପାପ ଚାଲି।
ଫୁଲରେ ରହିଛି ମହକ ବାସନା
ତୁମ ପାଇଁ ବଡ଼ ଶୋଭା
ଗଳାରେ ପକାଇ ବସି ରତ୍ନ ବେଦୀ
ହୋଇଅଛି ପ୍ରଭୁ ଉଭା।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
