ତଥାପି ପାରୁନି ଭୁଲି 

  

       ଅବିନାଶ ମହାପାତ୍ର 

   

    ହସି ପାରୁନାହିଁ ପଡି ତୋ ପ୍ରେମରେ

         କାନ୍ଦି ବି ପାରୁନି ଆଉ

    ଭାବି ପଛ କଥା ଲାଭ ନାହିଁ କିଛି

        ଗଲାଣି ତ ଚାଲି ଯାଉ l (0)

    ଥିଲା କାଲି ଯିଏ ଅତି ମୋ ନିଜର

         ହେଲା ଆଜି ସାତ ପର

    ସାଜି ଥିଲି ଦିନେ ପ୍ରେମର ପୂଜାରୀ

         ଭୁଲି ନିଜ ଘର ଦ୍ଵାର l (1)

    ପ୍ରେମର ଯନ୍ତ୍ରଣା ସହି ହେଉନାହିଁ

         ଜଳୁଛି ଅନ୍ତରେ ନିଆଁ

     ବନ୍ଦୀ କାରାବାସ ସହିଛି ଅନେକ 

         ପାଇବାକୁ ଟିକେ ରାହା l (2

    ମରି ସାରି ଆଜି ମାଟିରେ ମିଶି ବି

          ତଥାପି ପାରୁନି ଭୁଲି 

    ଫେରିକି ଆସିବ ସେ ଅଭୁଲା ଦିନ

         ଭାବୁଅଛି ଆଜି କାଲି l(3)

   ଏହି ବୋଧେ ହେବ ଶେଷକଥା ପ୍ରିୟା

        ତୁମସାଥେ ଆଜି ମୋର

   ଫେରି ମୁଁ ଯାଉଛି ଅଫେରା ପଥରେ

          ପାଇଲିନି ଅଧିକାର l(4)

 

     ବୟାଙ୍ଗଡ଼ିହି, ଧାମନଗର, ଭଦ୍ରକ l