ହୃଦୟ ଯନ୍ତ୍ରଣା

ଅସହ୍ୟ ଏ ହୃଦୟ ଯନ୍ତ୍ରଣା

କାହାକୁ ଜମା କହି ହୁଏନା।।

ନିରବେ ଲୁଚି ଲୁହ ଝରାଏ

ଗୁମୁରି ନିତି ସେ କାନ୍ଦୁଥାଏ।।

ପଣତେ କିଛି ଲୁହ ପୋଛଇ

ଓଠ ତା କିଛି ଲୁହ ପିଅଇ।।

ଆଶାତ ସବୁ ଯାଏ ମିଳାଇ

ସ୍ବପ୍ନବି ଯାଏସତେ ଦୂରେଇ।।

ଏମିତି ନ ଥିବେ କେ ସଂସାରେ

କରିନାହିଁ ଭୁଲ କେବେ ହେଲେ।।

ସଂସାରେ କୁହ କିଏ ରହିଛି

ପ୍ରେମ ବିନା ସେ ବଞ୍ଚି ପାରିଛି।।

ଏମିତି ହୃଦୟଟେ କାହାର

ଅନୁଭବ ନାହିଁ ତା ପ୍ରେମର।।

ନୂଆଁ ମୋଡ ଆସେ ଜୀବନେ

ଭଙ୍ଗା ମନ କାନ୍ଦେ ଗୋପନେ।।

ବୁଝେନା କିଏ ମନ ବେଦନା

ହୃଦୟ ଜାଣେ ସେ ପ୍ରତାରଣା।।

ଅଭୂଲା ସ୍ମୃତି ଏକା ଆପଣା

ଝରାଏ ନିତି ପ୍ରୀତି ବାସନା।।

ଦୀପ ଜଳି ସଞ୍ଜ ସକାଳେ

ନିଜକୁ ଜାଳି ଉଜାଗରେ।।

ହସେ ମୁଁ ପୁଣି ଲୁହ ନିଗାଡି

ନିଜକୁ ନିଜେ ନିଏ ସଜାଡି।।

 

           ମମତା ସାହୁ 

             ଗାଈଗାଁ, କଳାହାଣ୍ଡି