ତୁମକୁ ଖୋଜିବା ମୁହୂର୍ତ୍ତରେ
ସକାଳର ରକ୍ତିମ ସୂର୍ଯ୍ୟ କିରଣରେ
ଶୀତୁଆ କାକରର ସ୍ୱଚ୍ଛ ଟୋପାରେ
ଆକାଶର ବିସ୍ତୀର୍ଣ୍ଣ ନୀଳିମାରେ
ବଗିଚାରେ ହସୁଥିବା ପ୍ରତି ଫୁଲ ପାଖୁଡ଼ାରେ
ଗାଁ ପୋଖରୀର ଚହଲା ପାଣିର ଛବିରେ
ସୁନେଲି ସୋରିଷ ଫୁଲ କିଆରୀରେ
ଉଡନ୍ତା ଚଡ଼େଇର ଚିଁ ଚିଁ ଶବ୍ଦରେ
ସ୍ମୃତିର ମନ ଆଇନାରେ
ଖୋଜେ ମୁଁ ତୁମକୁ
ମୋ ଭାବନାର ପ୍ରତି ମୁହୂର୍ତ୍ତରେ ।
ସଦା ଖୋଜେ ମୁଁ ତୁମକୁ
ଶୂନ୍ୟ ଆକାଶର ସୀମାହୀନ ବୁକୁରେ
ଦୂର ଦିଗ୍ ବଳୟର ମିଳନ ସ୍ଥଳେ
ଇନ୍ଦ୍ରଧନୁର ସାତଟି ରଙ୍ଗରେ
ଖୋଜେ ପୁଣି ବହୁଥିବା ପବନର
ନିଶ୍ଚଳ ନୀରବ ଶବ୍ଦରେ ।
ସେ ଶବ୍ଦ ସବୁ ହିଁ
ଆଜି ମୃଦୁ ଗୁଞ୍ଜରିତ ହୁଅନ୍ତି
କହି କହି କେବଳ ତୁମ କଥା
ମୋ ଦୁଇ କାନରେ ।।🌹।।
©ସସ୍ମିତେଶ ସାହୁ
ଶଙ୍ଖଚିଲା,ଯାଜପୁର
