ଢେଙ୍କାନାଳ (ମସୀହା)୦୬/୧୨_ କାମାକ୍ଷା ନଗର ଥାନା ମହୀଧରପୁର ଗ୍ରାମର ଭୂମିଜ ସମ୍ପ୍ରଦାୟ ର ଲୋକମାନେ ଚାଷ କରିଥିବା ଧାନ କ୍ଷେତ ରୁ ବଳପୂର୍ବକ ଧାନ କାଟି ନେଉଛନ୍ତି କଙ୍କଣ ଗ୍ରାମର କିଛି ଖଳ ପ୍ରକୃତି ର ଲୋକ l ଏ ନେଇ ଗତ କାଲି ଜିଲ୍ଲାପାଳ ଙ୍କ ଗାଡ଼ି ଆଗରେ ଦଣ୍ଡାୟମାନ ହୋଇ ଗୁହାରି କରି ଥିଲେ ଭୂମିଜ ସମ୍ପ୍ରଦାୟ ଲୋକ |ସେମାନଙ୍କ ଅଭିଯୋଗ ମୁତାବକ ୨୦୦୭ ମସିହାରୁ ସେମାନଙ୍କୁ କଙ୍କଡାହାଡ ତହସିଲ ପକ୍ଷରୁ ମିଳିଥିବା ଜଙ୍ଗଲ ଜମି ରେ ସେମାନେ ଗତ ୩ ବର୍ଷ ହେବ ଧାନ ଚାଷ କରି ଆସୁଛନ୍ତି | କିନ୍ତୁ କଙ୍କଣ ଗ୍ରାମର କିଛି ଖଳ ପ୍ରକୃତିର ଲୋକ ପ୍ରତିବର୍ଷ ଅମଳ ପୂର୍ବରୁ ଏହା ତାଙ୍କ ଜମି କହି କ୍ଷେତରୁ ବଳପୂର୍ବକ ଅସ୍ତ୍ର ଶସ୍ତ୍ର ଧରି ଧମକାଇ ଧାନ କାଟି ନେଉଛନ୍ତି ||ତେଣୁ ଏ ନେଇ ସ୍ଥାନୀୟ ପୋଲସି କୁ ଅଭିଯୋଗ ପରେ ବି ପୋଲିସ କର୍ଣ୍ଣପାତ କରୁ ନାହିଁ |ତେବେ ଚଳିତବର୍ଷ ମଧ୍ୟ ସେମାନେ ଧାନ ଚାଷ କରି ଥିବା ବେଳେ,ଗତ କାଲି ଠାରୁ ପୂର୍ବ ଭଳି କଙ୍କଣ ଗ୍ରାମର କିଛି ଲୋକ ବଳପୂର୍ବକ ସେମାନଙ୍କ ଧାନ କାଟି ନେଉଛନ୍ତି |ଏ ନେଇ କାମାକ୍ଷାନଗର ଠାରେ ଜିଲ୍ଲାପାଳ ଙ୍କ ଜନ ଅଭିଯୋଗ ଶୁଣାଣି ରେ ଅଭିଯୋଗ କରିବା ପରେ, ଜିଲ୍ଲାପାଳ ସ୍ଥାନୀୟ ଏସଡିପିଓ ଓ ତହସିଲଦାର ଙ୍କୁ ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ନିର୍ଦେଶ ଦେଇଥିଲେ । ତେବେ ଆଜି ଜିଲ୍ଲାପାଳ ଙ୍କ ନିର୍ଦ୍ଦେଶ କ୍ରମେ କାମାକ୍ଷାନଗର ଏଡିପିଓ, କଙ୍କଡ଼ାହାଡ଼ ତହସିଲଦାର, ସ୍ଥାନୀୟ ଆରାଇ ଓ ସରପଞ୍ଚ ଙ୍କ ଉପସ୍ଥିତି ରେ ଉଭୟପକ୍ଷ ଙ୍କୁ ଘଟଣାସ୍ଥଳ କୁ ଡକା ଯାଇ ଏହାର ସମାଧାନ କରାଯାଇଛି |ତେବେ ଯେଉଁମାନେ ଚାଷ କରିଥିଲେ ସେମାନଙ୍କ ଧାନ ବଳ ପୂର୍ବକ କାଟି ନେଇଥିବା ଲୋକମାନେ ସେମାନଙ୍କ ଧାନ ଫେରାଇ ଦେବା ସହ, ଜମି ଚିହ୍ନଟ ନ ହେବା ପର୍ଯ୍ୟନ୍ତ କେହି ସେହି ଜମିକୁ ଅକ୍ତିଆର କରିବେ ନାହିଁବୋଲି ସର୍ବ ସମ୍ମତି କ୍ରମେ ନିଷ୍ପତି ହୋଇଥିବା ତହସିଲଦାର ସୂଚନା ଦେଇଛନ୍ତି |ସେପଟେ ଏହି ନିଷ୍ପତି କୁ ଏକପାଖିଆ ନିଷ୍ପତି ବୋଲି ଅଭିଯୋଗ କରିଛନ୍ତି ମଇଧରପୁର ଗ୍ରାମର ଭୂମିଜ ସମ୍ପ୍ରଦାୟ ର ଗ୍ରାମବାସୀ |ତେବେ ଆଦିବାସୀ ଲୋକଙ୍କ କ୍ଷେତ ରୁ ବଳପୂର୍ବକ ଧାନ କାଟି ନେବା ଘଟଣା ପ୍ରଶାସନ ର ହସ୍ତକ୍ଷେପ ପରେ ହୋଇ ଥିବା ସମାଧାନ,ଆଗାମୀ ଦିନରେ ଉଭୟ ପକ୍ଷ ଏହାକୁ ମାନୁଛନ୍ତି ନା, ଏହା ପୂର୍ବ ଭଳି ଉଗ୍ର ରୂପ ନେଉଛି ତାହା ଦେଖିବାକୁ ବାକି ରହିଲା |
ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ସହ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ୍