l l l ନଶ୍ୱର ଶରୀର l l l

ଜନ୍ମ ମୃତ୍ୟୁ ତ ଏକ ନିଷ୍ଠୁର ସତ୍ୟ

ଏମିତି ନିଶ୍ଚୟ ଥରେ ଭେଟ ହେବ ,

ଇଛାର ବାଧ୍ୟ ହେବ ନାହିଁ କେବେ

ସେ ସବୁକୁ ସାମ୍ନା କରିବାକୁ ପଡିବ ।

ଏଇ ନଶ୍ୱର ଶରୀର ଦିନେ ମାଟିରେ

ମିଶିଵ ଛ ଖଣ୍ଡ ବାଉଁଶରେ ବନ୍ଧା ହୋଇ ,

ଜୁଇର ପାଉଁଶରେ ଲୀନ ହୋଇଯିବ

ଖାଲି କିଛି ଜଣଙ୍କ ମନରେ ସ୍ମୃତି ନେଇ ।

ଶରୀରଟି ଯେ ରକ୍ତ ମାଂସରେ ଗଢ଼ା

ଅନେକ ସମ୍ଭାବନା ନେଇ ଚାଲୁଥାଏ ,

ଖୋଜିବା ପାଇବା ମାୟାରେ ବୁଡି ରହି

ଅଧିକ ଆଶାର ତାଜମହଲ ଗଢୁଥାଏ ।

ମରୀଚିକାର ମାୟାର ପଟଳରେ ଭିଜି

ସବୁଜ ଗାଳିଚାର ମୋହରେ ନିମଗ୍ନ ,

ବୁଝି ପାରେ ନାହିଁ ସତ୍ୟ ଯେ ଏକାନ୍ତ

କେତେବେଳେ ସ୍ୱପ୍ନ ସବୁ ହୁଏ ଭଗ୍ନ ।

ଏଇ ମାଟିରେ ଆସିଛେ ମାଟିରେ ବିଲୟ

ସେଇ ଜୀବନଟା ଯେ ପାଣି ଫୋଟକା

କ୍ଷଣକରେ ମିଳେଇଯିବ ନିୟତିର ଭାଗ୍ୟ

ଭାବିବାକୁ ନ ଥିବ ପାଇବାକୁ ମଉକା ।

ସଂଯୁକ୍ତା ସାହୁ

ରାହାମା , ଜଗତସିଂହପୁର ।