l l l ଡିସେମ୍ୱର l l l

         ପ୍ରେମଲତା

ମଗୁଶୁର ଝୋଟି

ପୁଷମାସ ଖଇ 

    ଡିସେମ୍ବର ନେଇ ଆସେ

ଇଂରାଜୀ ହେଲେବି ଓଡିଆ ଓଡିଆ

    ଗୋଲାପ ଓଠରେ ହସେ। 

କୁହୁଡ଼ି କାକର ବୋଳା ଦେହସାରା

    ଫୁଲଫୁଲେ ଦେହ ବାସେ

ପୁରୁଣା ପ୍ରୁଷ୍ଠାର ହିସାବ ନିକାସ

  ଦିନବାରଧରି ବସେ। 

ଶେଷ ଠିକଣା ସେ ତମାମ ବର୍ଷ ର

    ପୁଟୁଳା ଖେଳେଇ ଦେଖେ

ଫଳକ ନାମାରେ ଶୀତ ଜୁଡୁବୁଡୁ

     ଚଦର ଘୋଡେଇ ରଖେ। 

ପହିଲି ଭୋଗର ଖିରି ଖେଚେଡ଼ି ରେ

    ବଡଦାଣ୍ଡ ପୁରିଉଠେ

ବଡଦିନ ବଡ ଚାତର କାତର

   ଏହିପରା ଖ୍ରୀଷ୍ଟ ମାସେ। 

 ଆମ୍ୱଗଛ ବାନ୍ଧେ ବଉଳର ବେଣୀ

   ଗଇଁଠାର ଗଇଁଠାଳେ

ମେରିମୂଳ ଭୋଗ ଖଳାଉଠାଦିନ

    ହେଉଥିଲା ଆଗ ଦିନେ। 

ନୂଆପୁରୁଣା ର ଯିବା ଆସିବାରେ

      ଭେଟାଭେଟ ଡିସେମ୍ୱରେ

କେତେ ଯେ ସ୍ୱାଗତ ସମ୍ୱର୍ଦ୍ଧନା ପର୍ବ

    ନୂଆବର୍ଷ ଆଗମନେ। 

        କେନ୍ଦ୍ରାପଡ଼ା