ନବବର୍ଷକୁ ସ୍ବାଗତ
ସମୟର ଚକ ଗଡ଼ି ଚାଲୁଅଛି
ବିରାମ ତାହାର ନାହିଁ
ବର୍ଷ ମାସ ଋତୁ ଦିବା ରାତ୍ର ହୁଏ
ସବୁ ସୁତ୍ରଧର ସେହି ॥
ସମୟର ଆଦ୍ୟ ଅନ୍ତକେ ଜାଣିଛି
କହିବା ବାହୁଲ୍ୟ ଏଇ
ତଥାପି ମାନବ ପାଳୁଅଛି ନୂଆ
ପୁରୁଣା ବିଦାୟ ଦେଇ ॥
ପୃଥିବୀ ଘୂରାଇ ସୂର୍ଯ୍ୟ ଚାରିପଟେ
ଋତୁଚକ୍ର ଆସେ ଧରା
ପଡ଼ ଋତୁ ମଧ୍ୟୁ ଖରାବର୍ଷା ଶୀତ
ଅନୁମେୟ ହୁଏ ପରା ॥
ଏ ପ୍ରତିଟି ଶୀତରେ ନବବର୍ଷ ତୁମେ
ଓହ୍ଲାଇ ଥାଅ ଧରାକୁ
ପୁରୁଣା ବରଷ ହସକାନ୍ଦ ସ୍ମୃତି
ରହେ ଯେ କାଳକାଳକୁ ॥
ଯାହା ଘଟିବାର ଥିଲା ସେ ସମୟେ
ଚାଲିଗଲା ସବୁ ଭରି
ଫେରି ଯାଅ ତୁମେ ପୁରୁଣା ବରଷ
ନୂତନେ ସ୍ଵାରତ କରି ॥
ହିଂସାବାଦ କ୍ରୋଧ ଅହମିକା ଯୁଦ୍ଧ
ଅନ୍ୟାୟ ଅନିତୀ ଯାଉ
ଆସୁ ଶାନ୍ତି ମୈତ୍ରୀ ସୁଖର ସମୃଦ୍ଧି
ନବବର୍ଷେ ପ୍ରାପ୍ତ ହେଉ ॥
ରତିନାରାୟଣ ରାଉତ
(ପ୍ର.ଶି.)
ହରିଚନ୍ଦନପୁର, କେନ୍ଦୁଝର,ଓଡିଶା
