l l ଜଣାଣ l l

 ମାନଗୋବିନ୍ଦ ସ୍ବାଇଁ

ଶୁଣିବାକୁ ହବ ମୋ ଦେଶ ଜନତା

    ଯାହା ତାଙ୍କ ମୋ ଆପତ୍ତି

ବିପଦ ଆସୁଛି ଉଦ୍ଧାର କରିବ

        ପ୍ରଭୁ ମୋହର ସଂପତ୍ତି।

କରୁଣା କଲେବି ସରିଯିବ ନାହିଁ

     ତାହା ଅନନ୍ତ ଭଣ୍ଡାର

ମାପ କଲେ ଯହିଁ ଶେଷ ହବ ନାହିଁ

     ଭକ୍ତି ଅନନ୍ତ ଅପାର।

ଚାହିଁ ଦେଲେ ଥରେ ଆଖି ଯାଏ ଲାଖି

     ଫେରେ ନାହିଁ ମୋର ପଥ

କାଳିଆ କହିଲେ ସବୁ ବୁଝି ଯାଏ

     ସେହି ମୋର ଜଗନ୍ନାଥ।

ଯେଉଁଠି ଚିନ୍ତୁଛି ସେଇଟି ଆସୁଛି

   ଭକ୍ତି ମୋର ସଦା କାଳ

ପ୍ରଫୁଲ୍ଲ ମନରେ ଭ୍ରମଣ କରୁଛି

       ଠାକୁର ଭକ୍ତିର ବେଳ।

ଶୂନ୍ୟ ବ୍ରହ୍ମ ତୁମେ ଶୂନ୍ୟରେ ରହିଛ 

     ନ ଦିଅ କେବେ ତ ଧରା

ତୁମର କରୁଣା ଅପାର ରହିଛି

    ପ୍ରକୃତି ରୂପରେ ପୁରା।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା