ଗୋ ମାତା ସୁରକ୍ଷା

   ହଜି ଯାଇଅଛି ପୁରୁଣା ସଭ୍ୟତା,

ପୁରୁଣା ସଂସ୍କୃତି ଆଜି,

ଗୁହାଳ ଘରରେ ବନ୍ଧା ହେଉନାହିଁ,

ଆମର ଗୋ ମାତା ଆଜି।

ପୁରାଣ ପୃଷ୍ଠାରେ ଦେଖିଲେ ପାଇବୁ,

ଗୋ ମାତା ଗୌରବ କଥା,

ଗୋମୟ ପବିତ୍ର ପୂଜା ସ୍ଥଳେ ଲୋଡା,

ଲେଖିଛି ଏକଥା ଗୀତା।

ଗହ୍ମା ପୁନେଇଁରେ ଗାଈଙ୍କୁ ବନ୍ଦାଇ,

କରୁଥିଲେ ସର୍ବେ ପୂଜା,

ହେଲେ ସବୁ ଆଜି ସ୍ମୃତି ପାଲଟିଛି,

ହେଉନାହିଁ ଲୋଡା ଖୋଜା।।

ସଭିଏଁ ଧାଇଁଲେ ସହରିଆ ପାଇଁ

ହେବକି ଗୋକୁଳ ରକ୍ଷା?,

ପ୍ୟାକେଟ କ୍ଷୀରରେ ଦିନ ବିତିଯାଏ

ମିଳେନା ତଥାପି ଶିକ୍ଷା।।

ଗୋଧୂଳି ଵେଳାରେ ଉଡେ଼ ନାହିଁ ଆଉ

ଗୋଗୋଷ୍ଠ ପଲର ଧୂଳି,

ଶୁଭେ ନାହିଁ ଆଉ ବଇଁଶୀର ସ୍ଵନ

ଗୋପାଳ ପୁଅର ମେଳି।।

କେମିତି ସୁରକ୍ଷା ପାଇବେ ଗୋମାତା

କଂସେଇଁ ଖାନା ତ ଭରା,

ଆଖିର ଲୁହ ତ ଆଖିରେ ଶୁଖ ଇ 

ଦେଖି ଏଇ ଚିତ୍ର ପରା।।

ହୋଇଲାଣି ଆଜି ବିବେକର ନାଶ,

ପାଇଲାଣି ସବୁ ଧ୍ଵଂସ,

ତଥାପି କାହାର ଆଖି ଖୋଲୁନାହିଁ

ସବୁ ଜଣେ ଜଣେ କଂସ।।

ଚିତ୍ରା ରାଣୀ ପାତ୍ର

      ବାଲେଶ୍ଵର